16.5 C
Tirana
E shtunë, 15 Qershor 2024

Ujësjellësit, 30 mln lekë subvencione nga qeveria – Prioritet, likujdimi i pagave, sigurimeve dhe borxheve për energjinë elektrike

Duhen Lexuar

Shoqëritë rajonale të ujësjellësve do të përfitojnë 30 mln lekë subvencion nga Agjencia Kombëtare e Ujësjellës Kanalizimeve. Ministria e Infrastrukturës dhe Energjisë ka miratuar metodologjinë që do të përdoret për shpërndarjen e e subvencioneve, duke përjashtuar ato shoqëri që nuk përmbylin procedurat e agregimit brenda vitit 2023.

Deri më tani janë 3 shoqëri rajonale që nuk janë krijuar e më konkretisht Tirana, Vlora dhe Shkodra. Ndërkaq, sa i takon shpenzimit të subvencioneve nga shoqëritë që do të përfitojnë, udhëzimi i ministrisë përcakton se prioritet është likuidimi i detyrimeve emergjente, të cilat pengojnë veprimtarinë normale të shoqërisë. Këtu përfshihet likuidimi i detyrimeve të prapambetura për sigurimet shoqërore, pagat, energjinë elektrike dhe shpenzime të domosdoshme për nisjen e operimit të shoqërisë rajonale.

Ndërkaq, pjesa tjetër e buxhetit të parashikuar për subvencione ujëjsllësish do të menaxhohet nga AKUM e do të përdoret për shlyerjen e detyrimeve të energjisë elektrike të shoqërive rajonale ujësjellës kanalizime.

Në këtë rast, prioritet do të kenë shoqëritë që kanë mbi 75% të prodhimit me ngritje mekanike dhe ato që kanë krijuar detyrime të reja për energjinë gjatë vitit 2023, për shkak të kostove të larta të energjisë. Gjatë vitit 2022 qeveria shpërndau 360 milionë lekë subvencione për kompanitë e ujësjellës-kanalizime.

Në raport me një vit më parë, shifra ka pësuar rënie me 20 mln lekë, por gjithsesi fatura mbetet e lartë për shkak të situatës financiare të këtyre shoqërive. Ndërkohë nevoja reale për subvencione, për mbulimin e kostove të operimit dhe mirëmbajtjes për të gjithë sektorin është 2.84 mld lekë, por, realisht janë vetëm 12.7% të nevojës së sektorit për subvencione.

Ola Mitre /


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications