Ulja e TVSH-së nga 20% në 6% për 54 produkte ushqimore të shportës pritet t'i kushtojë buxhetit të shtetit rreth 150 milionë euro në të ardhura, por konsumatorët nuk janë të bindur se masa do të ndihet në xhepat e tyre.
Ilmi Xhaja, një qytetar që sapo ka bërë pazarin e ditës me ushqime e fruta-perime, ka blerë vetëm aq sa i duhet për vaktet kryesore. Ai nuk e mirëpret me entuziazëm lajmin për uljen e TVSH-së, sepse sipas tij çmimet për konsumatorët do të mbeten të njëjta.
Shitësit: efekti do të ndihet te importi
Nga ana tjetër, shitësit pohojnë se në këtë periudhë çmimet nuk janë të fryra dhe shprehin bindjen se ulja e TVSH-së do të ndikojë kryesisht te frutat dhe perimet që vijnë nga importi.
Lista e 54 ushqimeve që do të përfitojnë nga reduktimi i TVSH-së ende nuk është publikuar, megjithëse konsumatorët e konsiderojnë të nevojshme këtë paketë fiskale.
