Teksa zyratisht Bursa Shqiptare e Energjisë Elektrike nisi operimet në datën 11 prill të këtij viti, numri i kompanive private të listuara ka arritur në 9. Ndërkohë që, së bashku me 5 kompanitë publike të energjisë, që ishin të parat që u anëtarësuan, numri total i subjekteve që mund të kryejnë transaksione të shit–blerjesh shkon në 14.
Rritja e numrit të kompanive private pjesëmarrëse në bursë është një hap përpara në zhvillimin e tregut të organizuar të energjisë, si dhe i shumë kërkuar nga ekspertët dhe sektretariati i Komuniteti të Energjisë. Kjo, me qëllim sigurimin e çmimeve transparente në transaksionet që kryhen, si dhe tërheqjen e investorëve.
Gjithsesi, bursa e energjisë si një instrument i rëndësishëm i tregut deri më tani nuk ka luajtur tërësisht rolin për të cilin u ngrit. Kjo pasi Korporata Elektroenergjetike Shqiptare vijon të kryejë procedura të shit –blerjes së energjisë jashtë bursës, duke përdorur faqen e saj të internetit e ku çmimi me të cilin shitet apo blihet energjia është më pak I favorshëm për financat publike.
Më herët, KESH ka deklaruar se shkak për zhvillimin e transkasioneve jashtë bursës është fakti se ALEPX, aktualisht është një treg i vogël, ndërsa pritet bashkimi me Kosovën apo dhe Greqinë, që të konsolidohet dhe të ketë likuiditet.
Ola Mitre /
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
