Kur duhen pak ditë nga nisja e aplikimeve për të përfituar mbështetje financiare në bujqësi e blegtori, si shtyllat kryesore të Ministrisë përkatëse, janë përcaktuar nafta për fermerët dhe blegtoria, si dhe certifikimi Global GAP. Në një intervistë për tv, zëvendësministri i bujqësisë, Arian Jaupllari, tha se ka ndryshuar konvertimi nga naftë në lekë, ku fermerëve do t’ju kalojnë paratë në llogaritë bankare. Ndërsa sa i takon kritereve, duhet që sipërfaqja e tokës të jetë 1 ha për serat, ndërsa blegtorët duhet që të kenë mbi 100 dele dhe mbi 10 krerë lopë.
“Pjesën më të madhe e zë blegtoria dhe nafta. Një ndryshim kemi tek nafta. Kjo për shkak të kërkesave që erdhën nga fermerët gjatë 2023 dhe ekpseriencës në dy vitet e kaluara, ku ka ndodhur që fermerët tanë kur shpërndahej naftë në fund të vitit, shkonin me bidona në karburante. Por tani, ata do t’a marrin nëpërmjet bankës, duke llogaritur që nuk ndryshon asgjë nga kriteret, as nga masa e përfitimit, por vetëm ndryshon konevertimi nga naftë në lekë dhe shkon në llogarinë e gjithsecilit fermer’’- ka thënë Jaupllari.
Jaupllari ka folur mbi sfidat e sektorit dhe synimin për të arritur 1 miliardë euro eksporte para vitit 2030.
“E para të ndryshojmë qasjen. Së dyti fermerët të bashkohen. E treta dhe që është shtylla kryesore, mbetet zhvillimi i blegtorisë dhe rritja e serave. Synim është që ne të arrijmë të eksportojmë 1 mld euro produkte bujqësore në 2030, madje edhe më herët”.
Ndërsa sa i takon fondeve të IPARD, zëvëndësministri i bujqësisë ka thënë për , se komunikimi është i vazhdueshëm për hapjen e dritës jeshile sa më shpejt.
“Ne jemi në rrugë të mbarë, kemi marë ‘detyrat e shtëpisë’. Jemi në komunikim të vazhdueshëm me ta. Ministrja Denaj ka bërë konatakte të vazhdueshme dhe jemi në pritje të hapjes së IPARD-it dhe dritës jeshile, por kini parasysh që drita jeshile merr pak kohë. Jemi në rrugë të mbarë, po verifikohen të gjitha çfarë kërkojnë, përmirësimin e strukturës së AZHBR-së dhe stafit, për të arritur të bëhet një agjensi pagesash, ashtu siç e kanë vendet e BE-së, sepse ky është një detyrim që ne kemi”- ka thënë zëvendësministri i bujqësisë.
Për 2024, në sektorin e blegtorisë me financim të drejtpërdrejt do të mbështeten 207 mijë ferma në vend, si dhe do të ofrohet shërbim veterinar falas.
Alida Lula /
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
