12.5 C
Tirana
E shtunë, 24 Shkurt 2024

autobus.al, kompania që revolucionarizoi linjat e transportit ndërkombëtar të udhëtarëve në Shqipëri

Shpeshherë jeni gjendur në nevojë për të udhëtuar me autobus nga Shqipëria drejt shteteve të rajonit, por dhe me tej, dhe nuk keni pasur asnjë pikë referimi për informim përveç se të merrnit zyrat e agjencive turistike me radhë në qytetin tuaj.

Duhen Lexuar

Na ka ndodhur të gjithëve që shpeshherë të kërkojmë informacion online për bileta autobusi për udhëtime ndërkombëtare dhe nuk gjenim asnjë informacion të saktë e jo më të blinim biletat online. Në të njëjtën situatë u gjend edhe themeluesi i kompanisë autobus.al shpk 5 vjet më parë dhe ju desh të shkonte në disa agjenci turistike dhe udhëtimi, si dhe të telefononte disa dhjetra persona për të marrë informacionin e nevojshëm. Duke parë këtë boshllëk të madh në një nga sektorë më të rëndësishëm të ekonomisë, vendosi të studiojë më në themel situatën dhe problematikën me të cilën përballej sektori. Pas një analize disa-mujore, formuloi një plan biznesi të cilin e vuri në zbatim menjëherë: ndërtimin e një sistemi informatik, e një platforme teknologjike e cila do të sillte pranë ofruesin e shërbimit të transportit të rregullt ndërkombëtar të udhëtarëve me ndërmjetësit apo shitësit e biletave të tyre dhe udhëtarët e interesuar.

Në 1 Qershor të vitit 2017, pas një pune intensive disa-mujore dhe një investimi të konsiderueshëm, del në treg www.autobus.al , një platformë online e menaxhimit dhe shitjes së biletave të autobusit për linjat ndërkombëtare. Bazuar në analizat dhe studimet e tregut të kryera, sistemi u ndërtua pvr ti dhënë mundësinë operatorëve të transportit ndërkombëtar të udhëtarëve (tranportuesve apo kompanive të autobusave – siç njihen rëndom) të kenë në pvrdorim një sistem me anën e së cilit do të mund të menaxhonin gjithë aktivitetet e tyre ditore operacionale, financiare dhe burokratike – dhe në të njëjtën kohë, shërbimet e tyre të bëheshin të dukshme publikisht në platformën qëndrore. Në anën tjetër, solli pranë sistemit agjencitë e udhëtimit dhe agjencitë turistike të cilat ishin shumë të interesuar të shtonin shërbime për zyrat e tyre, duke u vënë në dispozicion një seksion të platformës me anë të së cilës do të mund të shihnin, rezervonin dhe blinin bileta autobusi për klientë e tyre – online, shpejt dhe pa interferenca.

Në gjashtëmujorin e parë autobus.al “luftoi” me mentalitetin ekzistent dhe me frikën për ndryshim të sektorit (që ekziston ende ne instanca të ndryshme te sektorit të transporteve), ndërsa në vitin 2018 situata filloi të ndryshojë ku autobus.al e mbyll vitin me plot 143 rishitës në të gjithë Shqipërinë, me rreth 42 mije bileta të gjeneruara, si dhe me nënshkrimin e disa marrëveshjeve me rishitës ndërkombëtarë biletash autobusi. 2019-a nis me vrull ku bashkëpunëtorët shtohen masivisht nga të gjitha frontet. Arrihen mbi 250 rishitës në të gjithë Shqipërinë; 19 operatorë/transportues dhe mbi 64 linja të ndryshme.

Në të njëjtën kohë, autobus.al i kërkohet bashkëpunim nga gjigandët e shitjes online dhe offline të biletave të autobusave BusBud duke vijuar më pas nga ComparaBus dhe GetByBus.

Viti 2020 ishte një vit i vështirë për të gjithë por gjithsesi, autobus.al nuk ndali rrugëtimin e vet. Edhe se në një periudhë të vështirë si pandemia Covid-19 kompanitë mundohen të reduktojnë shpenzimet e tyre për të mbijetuar, autobus.al injektohet me fonde shtesë nga themeluesit – jo për ti mbijetuar krizeë por për të nisur një etapë të re ne revolucionin dixhital të linjave ndërkombëtare rrugore të udhëtarëve.

Prej disa muajsh tashmë kompania po investon dhe është angazhuar në versionin e radhës së autobus.al, një version modern, me teknologji moderne dhe me shërbime të reja. Pritet që versioni i ri të jetë gati në tremujorin e parë të vitit 2022 dhe pritet të jetë një version i ri me një ide dhe angazhim më gjithëpërfshirës. Versioni i ri pritet të sjellë risi menaxhuese, reklamuese, por mbi të gjitha, risi teknologjike të cilat do të ndihmojnë akoma më shumë të gjithë aktorët e përfshirë në të. Disa nga risitë që pritet të jenë gati së shpejti janë modulimi i sistemit në mënyrë të tillë që të përdoret nga operatorët/transportuesit edhe në mënyrë të veçantë dhe të ndarë nga platforma qëndrore, por pa humbur asnjë nga benefitet që ka qënia pjesë e platformës qëndrore të autobus.al; apo edhe integrimi në platformën qëndrore i linjave të autobusave jashtë Shqipërisë, për ti ardhur në ndihmë gjithë agjencive turistike të cilat e kanë kërkuar këtë shërbim gjatë vitit të fundit.

Këto janë vetem 2 nga risitë që pritet të dalin në treg me versionin e ri të autobus.al, por shumë të tjera do të lehtësojnë aktivitetin e të gjithë aktorëve të përfshirë, duke shkurtuar kohë e duke rritur të ardhurat për gjithësecilin prej tyre.

Duhet theksuar se autobus.al është një kompani e regjistruar në Qëndrën Kombëtare të Biznesit sipas legjislacionit në fuqi me kapital 100% shqiptar, emri dhe logo e të cilit janë Markë e Regjistruar.

autobus.al jep mundësinë që:

  • Operatorët/Transportuesit të regjistrojne kompaninë e tyre në sistem dhe të krijojnë një llogari në sistem për menaxhimin e linjave të tyre; udhëtarëve; biletave të cilat mund të shiten prej tyre, prej agjencive Shqiptare, prej bashkëpunëtorëve ndërkombëtarë, apo që mund të blihen direkt nga udhëtarët në sistem me karta krediti/debiti apo mënyra të tjera pagese. Gjithashtu, menaxhojnë dokumentacionin e nevojshëm për udhëtim, punonjësit dhe stafin ndihmës të kompanisë.
  • Agjencitë/Rishitësit të regjistrohen në sistem për të hapur llogarinë e tyre nga ku mund të blenë bileta autobusi për klientët e tyre nga të gjitha kompanitë tranposrtuese që gjenden tashmë në sistem, të menaxhojnë dhe përpunojnë biletat e blera.
  • Klientët individual/Udhëtarët të mund të shohin, informohen dhe blenë biletën e tyre për udhëtimin e tyre të radhë me autobus. Gjithashtu, mund të kenë edhe këta të fundit llogarinë e tyre në sistem nga ku shohin historikun e udhëtimeve të tyre apo mund të menaxhojne biletat e blera.

Pra, autobus.al është një Sistem Biletimi Elektronik dedikuar Transportit Ndërkombëtar të Udhëtarëve por që i lehtëson aktivitetin të gjithë kompanive apo personave të përfshirë në të.

autobus.al tashmë Vendos Standarte për Industrinë e Transportit Ndërkombëtar të Udhëtarëve në Shqipëri.

Shënim: Ky artikull është pjesë e programit të iniciuar nga WallStreet.al për njohjen dhe shfaqjen e kompanive Shqiptare tek publiku i gjerë

- Reklama -
spot_img
- Reklama -

Artikujt e Fundit