10.5 C
Tirana
E shtunë, 24 Shkurt 2024

BE, bonuse e përfitime për rritjen e lindshmërisë – Zero taksa, më shumë se 600 euro për familje dhe automjet dhuratë

Duhen Lexuar

Të gjitha vendet europiane kanë një nivel lindshmërie më të ulët se dy fëmijë për cdo grua. Dy qëndrimet kryesore për të mbështetur lindshmërinë janë shumë të ndryshëm nga njëri tjetri. Sipas një studimi të publikuar nga “British Medical Journal”, qëndrimi i parë, ai tipik i Francës dhe Gjermanisë vendos në qendër të vëmendjes personin dhe promovon të drejtat dhe barazitë gjinore. I dyti që është krejt i kundërt, mbizotërues në Poloni dhe Hungari cilësohet si ‘pro lindshmërisë”, bën presion tek gratë që të lindin sa më shumë fëmijë për të mirën e kombit, duke imponuar role familjare të llojit konservator.

Gjermania është vendi që në 10 vitet e fundit ka investuar më shumë për familjen dhe ka arritur të rrisë nivelin e lindshmërisë nga 1.39 në 1.58. Sistemi mbështetet në dy masa kryesore: ndihmë financiare për familjet me fëmijë dhe ndihmë financiare për prindërit. I pari është një kontribut universal prej 219 euro në muaj dhe jepet që pas lindjes së fëmijës së parë. Shifra shkon në 225 euro për fëmijën e tretë dhe 250 euro për fëmijën e katërt. Shuma jepet cdo muaj deri në moshën 18 vjec, por mund të vazhdojë të derdhet si kontribut deri në moshën 25 vjec nëse personi studion apo është i papunë. Ndihma për prindërit përfshin ata që janë të papunë pas lindjes së fëmijës, ose zgjedhin të punojnë me orar të reduktuar për të ritur fëmijën – maksimumi 30 orë në javë. Shuma jepet deri sa fëmija të mbushë 14 muajsh dhe i korrespondon 65% të pagës së munguar neto. Mund të shkojë nga 300 deri në 1800 euro në muaj. Në vitin 2020 ishin 1.9 milion prindërit që përfituan nga kjo ndihmë.

Në Francë prej dekadash investohet në të ardhmen dhe në fakt vendi ka nivelin më të lartë të lindshmërisë në Europë, 1.83. Ndihma financiare shpërndahet në mënyrë të tillë që shtresa e mesme dhe me te ardhura të ulta përfitojnë më shumë. Masa më e rëndësishme është ajo e kontributit që financon familjet me të paktën dy fëmijë deri në moshën 20 vjecare. Shuma bazë është 140 euro në muaj, 320 euro për ata që kanë tre fëmijë, 500 euro për familjet me katër fëmijë apo më shumë. Pas moshës 14 vjec, shumës i shtohen 88 euro në muaj për cdo fëmijë. Bonusi i bebes është 970 euro, shuma bazë për fillimin e shkollës është rreth 380 euro për moshat nga 6 deri 10 vjec, 400 euro për 11 deri në 14 vjec dhe 413 euro për moshat nga 15 deri në 18 vjec. Sipas rregullave në vend prindërit mund të përfitojnë nga puna part time, pas lindjes së fëmijës, deri në tre vjet. Shteti mbulon një pjesë të pagës së munguar.

Vendet e Europës Lindore kanë pësuar një rënie të ndjeshme demografike pas vitit 1989. Në Poloni qeveria prezantoi këtë vit programin prej 213 euro në muaj për fëmijën e dytë dhe të tretë. Ndërsa, në Hungari ndihma financiare është shumë më e vogël: 30 euro në muaj për fëmijën e parë, 37 euro për të dytin dhe 44 euro për të tretin. Gratë që martohen para moshës 40 vjecare mund të përfitojnë nga kreditë e buta njësoj si familjet me dy fëmijë. Nëse një familje ka tre fëmijë shteti i jep një automjet falas me shtatë vende. Nëse një familje ka katër fëmijë, atëherë përjashtohet nga taksat për tërë jetën.

Ndërsa në Shqipëri jepet një bonus vetëm për lindjen. Kështu për lindjen e fëmijës së parë jepen rreth 340 euro, për të dytin 680 euro dhe për lindjen e fëmijës së tretë rreth 1.020 euro.

Dorina Kurtaj /


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit