Në studimet e fundit të tregut të udhëtimeve dhe turizmit ka rezultuar se amerikanët aktualisht kanë preferuar të viztojnë më së shumti vendet e ‘nxehta’ dhe më të njohura të Europës.
Për shumicën e udhëtarëve amerikanë, ky është viti i parë që po udhëtojnë të papenguar nga kufizimet Covid. Dhe me një kërkesë të tillë të lartë, destinacionet më të njohura në Itali, Francë dhe Greqi, si Bregu i Amalfit, Capri, Toscana, Riviera Franceze, St. Tropez dhe Mykonos, po shohin kërkesë rekord të lartë.
Sipas medias amerikane CNN Travel e cila ka kontaktuar agjentët e udhëtimit, ekspertët dhe vendasit në Europë 7 destinacionet më të preferuara për turizëm për europianët këtë vit janë vende alternative ndaj atyre më të popullarizuarat si në Itali, Spanjë, Francë dhe Kroaci etj. nëse dëshironi të shkoni atje ku nuk janë të gjithë:
- Camargue, Francë
- Alentejo, Portugali
- Costa de la Luz, Spanjë
- Ishujt Aeolian, Siçili, Itali
- Arkipelagu i Zarës, Kroaci
- Gadishulli i Pelionit, Greqi
- Shqipëria Bregdetare
Sipas CNN bregdeti i Shqipërisë dhe vecanërisht ai i Ksamilit është shumë më pak i rrahur nga turistët sesa Greqia apo Italia aty pranë. “ Shumë më pak i rrahur nga turistët sesa Greqia fqinje në jug ose Italia përtej Adriatikut, vendi i Gadishullit Ballkanik i Shqipërisë është ende disi një sekret i ruajtur nga afër mes udhëtarëve të zgjuar, por nuk ka gjasa të qëndrojë i panjohur edhe për shumë gjatë,” shkruan CNN.
Artikulli evidenton se janë më shumë kroatët dhe europianët që në përgjithësi po zbulojnë bregdetin shqiptar. shkruhet në artikull.
“Ndër plazhet për t’u eksploruar përgjatë asaj që quhet Riviera Shqiptare janë Ksamili, afër kufirit me Greqinë, dhe Himare dhe Dhërmiu më në veri, ku mund të ushqeheni me pjata të lira me karkaleca deti, oktapod të pjekur në skarë dhe peshq të freskët të këputur direkt nga deti Jon. duke vështruar hapësirën e saj vezulluese,” shkruhet në artikull.
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
