16.5 C
Tirana
E diel, 16 Qershor 2024

Detyrimet e prapambetura rriten me 17 milionë dollarë – Investimet dhe vendimet gjyqësore, mbajnë peshën e kryesore

Duhen Lexuar

Qeveria qendrore dhe ajo vendore kanë rritur vlerën e detyrimeve të prapambetura ndaj bizneseve dhe qytetarëve, pavarësisht objektivit dhe nxitjes për uljen e tyre. Sipas të dhënave më të fundit të Ministrisë së Financave, deri në Shtator 2023, stoku i detyrimeve regjistrohet në 20.3 miliardë lekë, me një rritje prej afro 1.7 miliardë lekë apo 17 milionë dollarë.

Si qeveria qendrore dhe ajo lokale kanë qenë thuajse në të njëjtën linjë sa i takon rritjes së nivelit të detyrimeve të prapambetura në raport me muajin Qershor 2023.

Kategoria e investimeve, pra punëve publike të hapura por të pa likujduara në kohë, mban peshën kryesore të stokut të borxheve, me afro 12.2 miliardë lekë apo rreth 59 % e totalit të detyrimeve.

Në vendin e dytë për nga pesha që zënë, renditen vendimet gjyqësore për largime të padrejta nga puna apo ankimime të bizneseve, të cilat llogariten në afro 3.8 miliardë lekë. 2.7 miliardë lekë i zë kategoria të tjera dhe 68.2  milionë janë sigurime shoqërore të punonjësve, të cilat nuk janë paguar në kohë.

Duket se kjo ecuri lidhet ngushtë me zgjedhjet vendore të 14 majit, ku është koha që zakonisht investimet rriten ndjeshëm për shkak të fushatës, dhe në këtë rast ato nuk kanë bërë përjashtim. Ndërkohë që shifrat tregojnë se objektivit për uljen e detyrimeve të prapambetura, sidomos nga pushteti vendor është ende shumë larg.

Elisabeta Dosku/


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications