30.5 C
Tirana
E shtunë, 20 Korrik 2024

Gati për udhëtimin e jetës? Këto janë 8 udhëtimet më të mira të vitit 2022

Pas dy vitesh me kufizime për udhëtimet, të gjithë mezi presim të dalim dhe të vizitojmë përsëri botën.

Duhen Lexuar

Ka disa eksperienca klasike që njerëzit i pëlqejnë ҫdo vit, të tilla si: jeta e natës në klubet e Ibizas, larja në pishinat termale të Islandës, pozat për foto në Instagram në banesat me kripë të Bolivisë ose frekuentimi i bareve legjendare të karaokes në Tokio, por këtë vit, si mendoni të provoni diçka ndryshe?

Më poshtë do të gjeni eksperiencat më të bukura të udhëtimeve për vitin 2022, sipas Euronews.

Biolumineshenca në Puerto Rico

Fillimisht do të shkojmë në Porto Riko. Këtu mund të gjeni tre nga pesë gjiret e botës që ofrojnë fenomenin e rrallë të biolumineshencës. Ky fenomen natyror mahnitës shkaktohet nga disa organizma të vegjël në ujë që ndriҫojnë kur stimulohen nga lëvizja.

Për të përjetuar plotësisht këtë fenomen, kapni një vozitëse dhe hipni në një kajak në Gjirin e Mushkonjave. Shkëlqimi më i shndritshëm dallohet në pjesën e muajit kur ka një hënë të re ose gjysmëhënë.

Qëndroni në një vagon treni të vjetër

Pse të mos e bëni safarin tuaj në Afrikën e Jugut edhe më të paharrueshëm duke qëndruar në një vagon të vjetër hekurudhor, i cili është rinovuar së fundmi?

Ndryshe nga shumica e trenave me fjetje, ky akomodim luksoz premton një mbrëmje të këndshme, ka pishinën e tij private dhe ofron pamje të jashtëzakonshme të natyës.

Bazuar në shtëpizën e Mantis Founder, aty ka gjithashtu një program mbresëlënës të ruajtjes së rinocerontëve.

Ski në një vullkan

Nëse jeni duke kërkuar një përvojë pak më të “ftohtë”, ky udhëtim është për ju. Kaloni pushimet tuaja duke bërë ski në një vullkan në Japoni.

Udhërrëfyesi privat i Mabey Ski do t’ju çojë në pjesën e pasme të Hokkaido-s për të bërë ski në katër vullkane të ndryshme gjatë katër ditëve, duke përfshirë malin Yōtei, më i larti nga vullkanet e Nisekos.

Nëse moti është i përshtatshëm, mund të arrini të bëni ski edhe brenda kraterit të këtij vullkani aktiv.

Zipline më i gjatë në botë

Eksperienca e katërt mund të përjetohet në Ras Al-Khaimah, një nga Emiratet më pak të njohura të Emirateve të Bashkuara Arabe.

Këtu, në një lartësi prej 1,680 metrash, në majën e malit Jebel Jais – maja më e lartë malore në të gjithë Emiratet e Bashkuara Arabe – ndodhet zipline më i gjatë në botë.

Fluturoni me shpejtësi deri në 150 km/orë përgjatë kësaj linje prej 2,83 km. mbi malet mahnitëse të shkretëtirës.

Adrenalinë dhe kulturë

Në vendin e pestë renditet aventura e rafting në lumenjtë e rrëmbyeshëm të Zelandës së Re. Kaitiaki Adventures, e cila është në pronësi dhe operohet nga Māori, do t’ju shoqërojë në lumin Kaituna në Ishullin e Veriut të Zelandës së Re.

Kjo është një nga pikat më të mira në planet për rafting dhe në këtë pjesë të lumit ndodhet ujëvara më e lartë komerciale për rafting në botë, me një lartësi deri në shtatë metra.

Përveç udhëtimit drejt kaskadave, guida juaj do t’ju mësojë gjithashtu për kulturën, traditat dhe mjedisin përreth Māorit.

Ndryshoni jetën tuaj përgjithmonë

Këtu do të ndiheni në krye të botës… Ngrini çadrën tuaj për të kaluar një natë në mbulesën akullnajore në Groenlandë dhe për të shijuar mrekullinë e Dritave Veriore.

Groenlanda nuk është destinacioni tipik për udhëtime… aty nuk ka rrugë midis qyteteve, kështu që do t’ju duhet të gjeni një mënyrë alternative transporti, si për shembull slitat e qenve.

Por, duke vizituar ishullin më të madh në botë, do të dëshmoni problemet që ka shkaktuar kriza klimatike dhe kjo eksperiencë do t’ju ndryshojë përgjithmonë jetën.

Një bukuri e garantuar

Në Alpet zvicerane, bukuria është gjithmonë e garantuar. Merrni teleferikun në majën e Schilthorn, në një lartësi prej 2,970 metrash dhe përjetoni eksperiencën e James Bond.

Restoranti rrotullues që ndodhet në këtë zonë u shfaq në filmin e James Bond të vitit 1969, On Her Majesty’s Secret Service. Nëse keni dëshirë, pse të mos shijoni një vakt ose thjesht pamjet spektakolare që ofrohen nga Alpet zviceriane.

Agatha Christie

Dhe e fundit, por sigurisht jo më pak e rëndësishmja, në tetëshen e përzgjedhur është edhe udhëtimi në lumin Nil. Hipni në bordin e SS Sudan, anija më e vjetër me avull në Nil, e cila feston 100 vjetorin e saj këtë vit.

Kjo është e njëjta varkë që transportoi Agatha Christie në lumin e famshëm të Egjiptit dhe frymëzoi librin e saj Death On The Nile.

Udhëtimi fillon në Luxor dhe ndërsa jeni atje, kaloni lumin për në Thebes për të parë varrin e Tutankhamunit, i cili u zbulua 100 vjet më parë.

Jo vetëm kaq, por kanë kaluar edhe ekzaktësisht 200 vjet që kur hieroglifet e lashta egjiptiane u deshifruan për herë të parë – kështu që viti 2022 është i përsosuri për të vizituar këtë vend.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications