3.5 C
Tirana
E premte, 23 Shkurt 2024

Inflacioni po ndikon sigurimet e makinave, mund të rriten çmimet – Shtimi i kostove të materialeve në gjithë rajonin po reflektohet te dëmshpërblimet e aksidenteve

Duhen Lexuar

Norma shumë e lartë e inflacionit po deformon edhe tregun e sigurimeve. Fenomeni është vënë re në Shqipëri, ashtu edhe në vendet e rajonit. Të gjitha tregjet kanë shënuar rritje të fortë arkëtimesh, por që në fakt nuk është lajm shumë i mirë. Në gjysmën e parë të vitit 2022, primet e shkruara bruto të vendeve të Europës Qendrore dhe Lindore (EQL) arritën në 22.17 miliardë euro në nivel rajoni, duke u rritur me rreth 7% në terma vjetorë. Në të njëjtën kohë, dëmet e paguara janë rritur me 11.5% në terma vjetorë, duke arritur në 12.64 miliardë euro.

Lajmi i keq është se pjesa më e madhe e rritjes është inflacioniste e shoqëruar edhe me rritje të ngjashme të dëmeve të paguara. Jo rastësisht, të njëjtat vende që kanë parë ritmet më të larta të rritjes si në primeve si edhe të shpenzimet e dëmeve, janë gjithashtu vendet me inflacionin më të lartë.

Rritja e normës së inflacionit çoi në rritjen e çmimeve të materialeve dhe shërbimeve, dhe rrjedhimisht pagesat më të larta të dëmeve bruto të paguara dhe shpenzimet operative bruto më të larta, si rezultat i të cilave siguruesit rishikuan çmimet e sigurimeve në shumicën e klasave të sigurimeve të Jo-Jetës, gjatë gjysmës së parë të vitit. Tendenca më e dukshme është në sigurimet motorike.

Në Shqipëri fenomei ka qenë diccka më i butë për shkak të normës më të ulët të inflacionit. Të ardhurat nga primet e shkruara bruto të sigurimit në vendin tonë për periudhën janar-tetor 2022 kapën vlerën 17,1 miliardë lekë, afërsisht 170 milionë dollarë, ose 9.16% më shumë se në janar-tetor 2021. Në një kohë që vetëm dëmet e paguara bruto në sigurimin motorik për periudhën janar-tetor 2022 kapën vlerën 3,6 miliardë lekë, afërisht 36 milionë dollarë, duke pësuar një rritje me rreth 9.92% krahasuar me të njëjtën periudhë të një viti më parë.

Në Malin e Zi, në fund të shtatorit 2022, tregu i sigurimeve në vend arriti vlerën e primeve të shkruara bruto prej rreth 82.79 milionë euro, ose 11.23% më shumë se e njëjta periudhë e një viti më parë. Ndërkohë, për të njëjtën periudhë, vlera e dëmeve të paguara nga siguruesit arriti në 33.11 milionë euro, me një rritje prej 7.45% krahasuar me këtë periudhë të vitit 2021.

Vëllimi i primeve të shkruara bruto për 15 siguruesit me bazë në Kroaci, në fund të tremujorit të tretë të vitit arriti në rreth 1.29 miliardë euro. Kjo shifër shënon një rritje me 7.9% krahasuar me të njëjtën periudhë të një viti më parë.

Në Kosovë vëllimi i primeve të shkruara bruto i siguruesve në vend gjatë periudhës janar-shtator 2022 arriti në 98.3 milionë euro. Kjo shifër shënon një rritje me 11.3% krahasuar me të njëjtën periudhë të një viti më parë. Ndërkohë, për të njëjtën periudhë, totali i dëmeve bruto të paguara u rrit me 2.2%, duke arritur në 46.6 milionë euro.

Lorenc Rabeta/


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit