30.5 C
Tirana
E hënë, 24 Qershor 2024

Kartat bankare bazike, Qeveria ia lë në dorë BSH caktimin e tarifës – Drafti fillestar parashikonte nivel jo më të lartë se 50% i mesatares të secilës bankë

Duhen Lexuar

Tarifa që do paguajnë qytetarët të cilët do të paisen me karta bankare bazike, nuk do përcaktohet nga vetë bankat, por mes një akti nënligjor të psaccëm të miratuar nga Banka e Shqipërisë. Përcaktimi vjen përmes projektligjit Për Llogaritë Bazike, të sapomiratuar nga Këshilli i Ministrave. Përcaktim që ndryshon rrënjësisht nga draftligji fillestar i Bankës së Shqipërisë, i konsultuar me palët e interesit në shkurt të këtij viti.

Specifikisht, në pikën 1 të Nenit 7 të draftit të muajit shkurt, përcaktohej se bankat ofrojnë shërbimet e parashikuara në pikën 1 të nenit 6 të këtij ligji, pa aplikuar tarifa, ose kundrejt një tarife të arsyeshme, nëse ato e parashikojnë këtë tarifë në politikat e tyre të brendshme për përcaktimin e tarifave.

Më tej, pika 3 e po këtij neni përcaktonte se tarifë e arsyeshme do të konsiderohet tarifa e cila nuk tejkalon 50% të nivelit mesatar të tarifës së aplikuar nga subjekti, për të njëjtat shërbime të ofruara nëpërmjet një llogarie pagesash.

Dhe është pikërisht përcaktimi i tarifës së arsyeshme që ndryshon tërësisht në Projektligjin përfundimtar të Këshillit të Ministrave.

“Metodologjia e përllogaritjes së tarifës së arsyeshme nga bankat përcaktohet me akt nënligjor të Bankës së Shqipërisë, duke konsideruar të paktën nivelin e të ardhurave kombëtare dhe tarifat mesatare të aplikuara nga bankat për shërbimet e pagesave, të ofruara në llogaritë e pagesave”, përcakton pika 3 e nenit që rregullon tarifat e kartave bazike.

Tarifat që do përcaktohen me akt nënligjor nga Banka e Shqipërisë do të zbatohen për veprimet bazike për një numër total maksimal prej 5 transaksione pagesash në muaj për shërbimet e përcaktuara në këtë pikë. Tarifat për çdo transaksion pagesash mbi numrin prej 5 transaksione pagesash në muaj për shërbimet e përcaktuara në këtë pikë nuk janë më të larta se ato që banka aplikon, sipas politikës së brendshme për përcaktimin e tarifave) .

Lorenc Rabeta/


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications