3.5 C
Tirana
E premte, 23 Shkurt 2024

Kërkohet shans i ri për 4 mijë dosje dëmshpërblimi financiar – Amendamenti: Ish-të përndjekurit të aplikojnë deri në vitin 2024

Duhen Lexuar

Një amendim ligjor i depozituar në Kuvend synon të krijojë mundësinë e përfshirjes në skemën e kompensimit t ëish të përndjekurve politikë të rreth 4 mijë dosjeve. Në ligjin ekzistues, të amenduar për herë të fundit në vitin 2014, parashikohej një afat 3 vjeçar për plotësimin e dokumentacionit të nevojshën nga ish të përndjekurit politikë në mënyrë që të merrnin dëmshpërblimin financiar.

Por, sipas deputetës së opozitës, Greta Bardeli, jo të gjithë kanë pasur mundësi që të plotësojnë dosjen në këtë periudhë, ndaj në ligj duhet bërë një ndërhyrje tjetër, që në thelb i rivendos në afat këto dosje.

Propozimi është që në ligj, afati 3 vjeçar të bëhet 10 vjeçar, çka do t;u krijonte mundësinë atyre që kanë humbur të drejtën e aplikimit, që të fitojnë një mundësi të re. me këtë shtyrje, praktikisht afati për plotësimin e dosjeve shtyhet deri në vitin 2024.

“Pavarësisht njoftimeve për shpërndarjen e kësteve të radhës për ish të përndjekurit politikë, një pjesë e madhe e dosjeve të dëmshpërblimkit u ka kaluar afati për përfitimin e fondeve të vëna në dispozicion. Kjo sepse kuadri ligjor në fuqi i pengon personat e prekur apo trashëgimtarët qe tyrë që të aplikojnë sërish pas kalimit të afateve.

Nga informacionet paraprake, mund të jenë rreth 4 mijë dosje që nuk mund të trajtohen për kompensim financiar nga ligji aktual për shkak se u ka kaluar afati maksimal i aplikimit” shkruhet në relacionin e nismës.

Për vitin 2022 është parashikuar shpërndarja e një fondi 1 miliardë lekë për dëmshpërblimin e ish të përndjekurve politikë. Kategoria parësore që ka përjetuar direkt përndjekjen gjatë regjimit komunist është në fazën e këstit të 19-të ndërsa kategoria e trashëgimtarëve në këstin e katërt.

 


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit