Situata e favorshme hidrike, jo vetëm përmirësoi situatën në Kaskadën e Drinit dhe garantoi nevojat konsumatore për energji, por po gjeneron të ardhura për Koorporatën Elektroenergjetike Shqiptare.
Kjo për shkak të shitjes së energjisë elektrike, ku përmes 3 procedurave janë siguruar 6 mln euro. Brenda kësaj jave janë shitur 31.300 mWh energji, ndërkohë që ndryshe nga procedura e parë çmimi me të cilin është shitur energjia ka pësuar rritje, duke iu afruar çmimeve në tregjet ndërkmbëatre.
Në procedurën e fundit, KESH arriti të shesë energji edhe me 285.75 euro/ mWh, ndryshe nga tenderi i zhvilluar në datën 21 nëntor, ku energjia u shit 150% më lirë se çmimet në bursën e Hungarisë, që shërben si referencë për transaksionet në vendin tonë.
Përmirësimi i situatës hidrike dhe ndalimi i importit të energjisë, ndikon edhe në drejtim të mos shtrenjtimit të energjisë elektrike për konsumatorët familjarë, duke qenë se tarifimi me fasha është në fuqi për muajin dhjetor.
Sipas këtij vendimi, energjia e konsumuar mbi fashën 800 kWh/muaj do të tarifohet me 42 lekë/kWh, por duke marrë në konsderatë praktikën e ndjekur për muajt tetor dhe nëntor, si dhe deklaratat e qeverisë, me gjasë do të ndiqet e njëjta procedurë, ku fasha nuk hyri në fuqi.
Sipas praktikës së ndjekur, asambleja e KESH duhet të mbajë të pandryshuar çmimin prej 2.6 lekë/kWh me të cilin i shet energjisë OSHEE-së. Më pas, kjo e fundit do të duhet të aplikojë pranë Entit Rregullator të Energjisë, që ka në dorë vendimmarrjen finale.
Ola Mitre /
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
