Universiteti Politeknik ka shpallur tenderin me fond limit 1 miliardë lekë për ndërtimin e godinës së re të Fakultetit të Inxhinierisë së Ndërtimit. Në thelb projekti parashikon shembjen e një godinë ekzistuese dhe ndërtimin e rindertimin e 3 godinave.
Projektit i rindërtimit për godinën e Fakulteteve të Arkitekturës dhe Inxhinierisë së Ndërtimit realizohet pas dëmtimeve të shkaktuara nga lëkundjet sizmike të vitit 2019.
Objekti në shfrytëzim nga këta dy fakultete ka një sipërfaqe totale 9 mijë e 885 m² dhe përbëhet nga dy pjesë të ndërtuara në periudha të ndryshme si ndërtesa të veçanta: Godina A – E ndërtuar në vitet ’80, aktualisht është e pa shfrytëzueshme si rezultat i dëmtimeve dhe Godina B – E ndërtuar në vitin 2010 vijon të shfrytëzohet nga të dy fakultetet.
Propozimi paraqet një zgjidhje të integruar përmes krijimit të një kompleksi universitar me tre korpuse kryesore:
– Fakulteti i Arkitekturës
– Fakulteti i Inxhinierisë së Ndërtimit – Korpusi i klasave (Godina B)
– Fakulteti i Inxhinierisë së Ndërtimit – Korpusi i zyrave dhe laboratorëve
Këto tre korpuse janë konceptuar të shkëputur në vëllim por të lidhur në funksion, duke përmbushur kështu edhe një ndër objektivat kryesore të detyrës së projektimit.
Projekti krijon mundësinë që kompleksi universitar të ketë 30 klasa, 15 salla leksioni, 3 salla konference, 91 zyra etj. Po ashtu parashikohet një hapësirë parkimi dhe zona pushimi.
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
