Tarifimi me 2 fasha i energjisë elektrike nuk do të aplikohet as për dhjetor, çka do të thotë se e gjithë energjia e konsumuar nga familjet do të tarifohet me çmimin ekzistues prej 9.5 lekë/kWh, pa TVSH.
Vendimi erdhi pas aplikimit të ri të OSHEE, që reflektonte vendimin e Asamblesë së KESH për mos ndryshimin e çmimit të shitjes.
Dhjetori ishte muaji i fundit për të cilin, në muajin shtator të këtij viti u vendos se tarifimi i energjisë së konsumuar mbi fashën 800 kWh/muaj do të bëhej me 42 lekë/kËh. Fasha u kërkua nga qeveria me argumentimin e krizës energjetike, vendim që hasi në kundërshtime të shumta, që theksonin se situata po përdorej për të mbuluar dështimet në menaxhimin e sektorit.
Në mesin e akuzave u shfaq tërheqja nga rritja e çmimit, që sipas qeverisë erdhi si pajë e kursimit të energjisë, që bënë qytetarët e në muajt në vijim me përmirësimin e situatës hidrike në Kaskadën e Drinit.
Ndërkaq, për vitin që vjen OSHEE nuk ka depozituar një aplikim të ri, çka do të thotë se tarifimi për vitin 2023 do të kryhet me 1 fashë.
Ola Mitre /
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
