Francezët duhet të përgatiten për një dimër me kufizime të programuara të furnizimit me energji. Vendimi i qeverisë arsyetohet me krizën energjetike dhe problemet në centralet e prodhimit të energjisë bërthamore në vend
Qeveria franceze prezantoi një plan për ndërprerje të mundshme të programuara të furnizimit me energji gjatë dimrit, për të përballuar krizën energjetike. Ndërprerjet do të lajmërohen më parë dhe do të zgjasin dy orë në zona të ndryshme të vendit.
Shkollat dhe mensat mund të mbyllen sipas vendimit të qeverisë, e cila iu kërkoi bashkive që të reduktojnë konsumin e energjisë me 62% duke ruajtur shërbimet e rëndësishme si spitalet dhe kazermat e zjarrfikësve.
Dhe shërbimet e hekurudhave mund të reduktohen për të shmangur që trendta të ndalojnë në mes të udhëtimit. Ndërprerjet e kontrolluara të energjisë do të ndodhin në orarin e kulmit të konsumit, në mëngjes ose në darkë.
Një faqe në internet do i lejojë qytetarët që të informohen nëse dhe zona ku banojnë do të preket nga ky vendim. Problemet me furnizimin me energji bërthamore janë dhe arsyeja e kësaj situate: gjysma e centraleve bërthamore franceze janë mbyllur për riparime.
Objektivi është shmangia e incidenteve të pakontrolluara që mund të fusin në krizë të gjithë rrjetin, me moton që prodhimi të jetë i barabartë me konsumin
Qeveria franceze i bëri apel qytetarëve që të kursejnë energjinë për të shmangur domosdoshmërinë e zbatimit të planit. Ndërkohë në 9 dhjetor do të ketë një testim në nivel kombëtar të planit.
Dorina Kurtaj /
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
