Ajo çfarë po mban peng nisjen e procedurave në zbatim të marrëveshjes për njohjen e pensioneve me Italinë është firma nga Ministri i Jashtëm Italian dhe ai Shqiptar.
Presidenti i shoqatës “Diaspora ’91-19” Esat Balla tha se pas marrjes së dakordësisë i çelet drita jeshile edhe implementimit të saj, pasi fondet nuk mungojnë.
Në intervistën dhënë për emisionin “Box to Box” Balla u ndal dhe tek mënyra sesi do të funksionojë marrëveshja teksa vuri në dukje që prej saj do të kenë mundësi të përfitojnë edhe ata të cilët e kanë mbushur moshën e pensionit.
Përpjekjet për njësimin e viteve të punës për emigrantët që jetojnë në Itali kanë nisur disa vite më parë. Por sipas presidentit të shoqatës “Diaspora ’91-19” nëse angazhimi politikë për finalizimin e kësaj marrëveshje do të ishte i hershëm, sot nuk do të ishim në këtë situatë.
Janë me dhjetra qytetarë të cilët mbushin moshën e daljes në pension por që s’kanë mundësi ta përfitojnë ata për shkak se nuk plotësojnë pragun kontributivë, apo vitet e punës.
Njohja e ndërsjellë e perudhave të sigurimit ju jep mundësi që të përfitojnë pension në Itali dhe pension në Shqipëri, në vlerën dhe masën e kontributeve që kanë derdhur.
Ada Hazizolli/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
