Të gjithë të rinjtë nën moshën 29 vjeç të cilën janë të papunë, pa arsim apo formim professional do të kenë mundësi të përfshihen në skemën e garancisë rinore për vitin 2023. Kjo skeme e cila është pjesë e programeve të punësimit adreson nevojat e të rinjve shqiptar për integrimin e tyre në tregun e punës dhe ndalimin e largimit nga vendi.
Kjo kategori të rinjsh janë identifikuar si shtresa më vulnerabël dhe përbëjnë rreth 27.8% të të gjithë të rinjve në Shqipëri. Për të rinjtë që plotësojnë kriteret do të ofrohet një ofertë punësimi/arsimimi të vazhdueshëm/praktika profesionale brenda një periudhe prej katër muajsh nga momenti i regjistrimit në zyrën përkatëse të punësimit.
Motivimi që jepet nëpërmjet kësaj skeme garancie është përfshirja e një kuponi për financimin e formimit profesional. Të rinjve do t’u paguhet pjesërisht ose plotësisht nëpërmjet këtij kuponi trajnimi profesional ose gjetja e praktikave të ndryshme. Kjo është një skemë që përdoret gjerësisht në vendet e BE-së për të ndihmuar formimin profesional dhe ngritjen profesionale të punëkërkuesve të papunë për kurse dhe profesione të ofruara dhe të kërkuara në tregun e punës dhe që nuk ofrohen nga sistemi publik i AFP.
Projektligji ka për qëllim rritjen e punësueshmërisë së forcave të punës nëpërmjet ofrimit të shërbimeve dhe programeve publike të punësimit dhe vetëpunësimit, si dhe formimit profesional. Në këtë projektligj është parashikuar dhe krijimi i Fondit Social të Punësimitt.
Por çfarë ndodh me bizneset që do të punësojnë këta të rinj dhe në rast kundërshtimi të ndjekjes së kësaj praktike.
Në këtë skemë është parashikuar se, çdo punëdhënës duhet të punësojë një person që i përket grupeve të përcaktuara. Punëdhënësi, i cili nuk punëson numrin e përcaktuar të personave derdh një kontribut për llogari të Fondit Social të Punësimit, në masën e 100 për qind të pagës minimale në shkallë vendi, për çdo muaj, për çdo person që i përket grupeve të përcaktuara. Do të jetë rregull që për cdo kompani më 50 punonjës të përfshihet shtesë dhe një nga të rinjtë që i përket kategorive të mësipërme.
Ministria e Ekonomisë dhe Financave ka parashikuar në 2023 fondin për programet e nxitjes së punësimit me vlerën 3.4 miliardë lekë.
Marinela Lina/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
