Me objektiv rimëkëmbjen ekonomike pas tërmetit dhe pandemisë, buxheti i vitit të ardhshëm do të arrijë vlerën e afërsisht 5.2 miliardë Euro, nërkohë që Qeveria pretendon të mbledhë të ardhura që do të rriten ndjeshëm krahasuar me vitin 2021, në rreth 536.8 miliardë lekë. Për sa i përket shpenzimeve do të ketë një rritje të lehtë në krahasim me këtë vit, në rreth 637.7 miliardë lekë, duke mbajtur një nivel të lartë deficiti në rreth 100.8 miliardë lekë.
Në prezantimin e draftin më të rëndësishëm të financave Shqiptare, Delina Ibrahimaj – Ministrja e Ministrise se Financave, deklaroi se ky buxhet synon të mundësojë mbështetjen e biznesit dhe të punësimit, si dhe mbrojtjen e shtresave më të varfra.
Projektbuxheti ndërkohë nuk parashikon rritje të pensioneve por vetëm indeksimin e përvitshëm dhe një bonus fundviti prej afërsisht 28 milionë Euro. Gjithsesi, parashikohet rritja e ndihmës ekonomike; ndërsa për mësuesit, mjekët, infermierët dhe disa kategori të tjera parashikohet rritja e pagës.
Borxhet e theksuar nga nga nisja e pandemisë ka bërë që vetëm pagesat për interesat e huasë të arrijnë vitin e ardhshëm vlerën e 415 milionë Euro, ndërsa ulja e fondeve për programin e rindërtimit që përfundon në 2022 ka bërë që edhe investimet publike të parashikohen në rënie.
