30.5 C
Tirana
E shtunë, 20 Korrik 2024

Pushwoosh, kompania ruse depërtoi në ushtrinë amerikane – Mes “viktimave” janë UEFA dhe partia laburiste britanike

Duhen Lexuar

Pushwoosh prezantohet si një kompani me seli në Shtetet e Bashkuara të Amerikës. Por faktikisht është një shoqëri teknologjike ruse, që zhvillon kode në mijëra aplikacione për smartphone në dyqanet dixhitale të Apple dhe Google. Reportazhi investigativ i publikuar nga agjencia e lajmeve Reuters ka krijuar jo pak kaos. Duke mos qënë në dijeni, ushtria amerikane në qendrën e saj kombëtare të stërvitjes, në shkretëtirën kaliforniane të Mojave, ka përdorur deri në pranverën e kaluar software-t e një shoqërie të lidhur me Moskën dhe jo të kombësisë amerikane, para se t’i fshinin pasi u zbulua se në fakt ishte ruse.

Programet informatike përdoreshin cdo ditë për kryerjen e stërvitjeve dhe për përgatitjen e ushtarëve të cilët do  shërbenin në një nga bazat më të rëndësishme të vendit. E njëjta gjë ndodhi dhe me me qendrat për parandalimin dhe kontrollin e sëmundjeve, rrjetin mjekësor lokal të Shteteve të Bashkuara të Amerikës; por dhe për shumë institucione amerikane publike dhe private si për shembull “Riffle Association”, lobi i fuqishëm i armëve në vend.

Por viktima të kompanisë ruse janë regjistruar dhe në Europë, si UEFA dhe partia laburiste britanike, që nuk ishin në dijeni për origjinën e kësaj kompanue. Në total kodet e kompanisë janë të pranishme në më shumë se 8 mijë aplikacione.

Sipas Reuters, mbështetur në disa dokumente të analizuara, Pushwoosh nuk ka seli në Kaliforni, Washington apo Maryland, siç dukej në bazë të informacioneve të shpërndara nga kanale zyrtare, por në Siberi, në qytetin e Novosibirsk. Figuron si një kompani software-sh që mbledh dhe proceson të dhëna, me 40 të punësuar. Të ardhurat e sah bë vitin 2021 ishin 2.4 milion dollarë. Drejtuesit e kompanisë pretendojnë se nuk kanë asnjë lidhje të drejtpërdrejtë me Kremlinin. Por duke qenë se kompania është e regjistruar në Rusi, duhet të paguajë taksat dhe të respektojë rregullat e vendit, mes të cilave dhe ai për transmetimin dhe ndarjes së të dhënave me autoritetet e Moskës. Ko duhet të ndodhë dhe nëse informacionet apo aparatet janë në vende të tjera.

Por drejtuesit e kompanisë vijojnë të këmbëngulin se të dhënat grumbullohen dhe ruhen në Gjermani ose në Shtetet e Bashkuara të Amerikës.

Ekspertët e kibernetikës identifikuan menjëherë një problem të mundshëm të sigurisë publike, motivuar nga përkeqësimi i marrëdhënieve mes perëndimit dhe Moskës, që nga aneksimi i Krimesë në vitin 2014, por dhe më shumë pas pushtimit të Ukrainës në muajin shkurt të këtij viti. Rusia është një nga vendet kampione për sa i përket kriminalitetit kibernetik. Sanksionet e vendosura ndaj vendit pas shpërthimit të konfliktit në Ukrainë nuk kushtëzuan aktivitetet e shumë kompanive që i japin llogari Moskës, por kanë qëndruar të fshehura ose të maskuara. Google e Apple kanë theksuar dhe njëherë rëndësinë e privatësisë dhe do të vazhdojnë të punojnë për të ndaluar cfarë do lloj shkeljeje, për të garantuar më shumë transparencë për shoqëritë që zhvillojnë softëare dhe aplikacione në dyqanet e tyre dixhitale.

Në këtë cështje ka ndërhyrë dhe Komisioni Federal i Tregtisë, agjencia qeveritare amerikane që mbron konsumatorët, e cila do të përgatisë penalitete dhe sanksione kundër Pushwoosh, por edhe ndaj sektorit rus të teknologjisë, në rast se do të vërtetohet një formë e paligjshme aktiviteti kibernetik. Baza e të dhënave të kompanisë përmban të dhëna me të paktën 2.3 miliardë pajisje.


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications