12.5 C
Tirana
E shtunë, 24 Shkurt 2024

Rumania, shteti i parë ne botë që ka përdorur sondë për nxjerrjen e naftës që prej 1857-ës

Rumania është një nga shtetet me kontribut të madh në zhvillimet teknologjike dhe industriale të shekujve të fundit dhe në këtë artikull do të nxjerrim në pah vetëm njërin prej tyre, atë të nxjerrjes së naftës, ku Rumania ka qenë vendi i parë në botë që ka përdorur sondën - një mënyrë që përdoret edhe në ditët e sotme në të gjithë botën. Një material nga Jonian Omeri.

Duhen Lexuar

Rumania është shteti i parë në botë e cila ka përdorur sondë për nxjerrjen e naftës nga nëntoka. Statistikisht e rregjistruar në vitin e largët 1857 me eksplorime në zonën e Prahovës dhe Trotus.

Instituti “The Science of Petroleum” konfirmon në vitin 1938 faktin që Rumania ishte shteti i parë në botë i rregjistruar në statistikat internacionale me një prodhim afërsisht 275 ton naftë. Më pas është ndjekur nga Shtetet e Bashkuara në vitin 1859, Italia 1860, Kanadaja në vitin 1862 dhe Rusia në vitin 1863. Ndërsa në vitin 1937 Rumania zinte vendin e 7 në botë për nga rezervat botërore të naftës, pas : URSS, Shtetet e Bashkuara, Irak, Iran, Venezuelës, Kolonitë Hollandeze e llogaritur në një sasi prej 95,000,000 ton ose e thënë ndryshe në 5.4% të rezervave botërore.

Puset e naftës në zonën e Prahovës ( Prahova)

Në zonën e Bacau, u ndërtua ne vitin 1840 sonda e parë ne botë. Përdorej një metodë e ngjashme me metodën e nxjerrjes së rakisë nga kazanet artizanal. Interesante është fakti që, eksploruesit ishin fshatarët, ose djemtë e zonës. Ndërsa pas rritjes së prodhimit ishte e nevojshme që të ndërhyej me një kapital më të madh dhe kështu në vitin 1856 u ndërtua rafineria e parë nga vëllezërit Mehedinteanu, në periferi të qytetit Ploiesti (Rruga Buna Vestire nr.174) me pajisje dhe makineri moderne për atë kohë të porositura në Gjermani, nga kompania e asaj kohe Moltrecht.

Duke patur një avantazh në nxjerrjen e naftës Rumania mori një zhvillim në krahasim me fuqitë botërore duke bërë në të njëjtën kohë Bukureshtin, kryeqytetin e parë në botë që ndricohej me llamba me vajgur. Mbetet per të theksuar cilësinë e produktit, ishte pa ngjyre, pa erë dhe digjej me një ndricim me intesitet dhe formë konstante, pa tym. Më 8 tetor 1856, Bukureshti ndricohej me 1000 llamba të tilla.

Një transformim rrënjësor mori edhe qyteti i Ploiesti si “kryeqyteti i arit të zi”. Ky qytet pas vitit 1856 u shndërrua në prodhuesin më të madh në Europë të naftës. Në Rumani ekzistonin 10 rafineri me një kapacitet prej 34 milion ton në vit dhe nga të cilat 5 rafineri ishin në Ploiesti, në zonën e Prahovës.

Më pas ne vitin 1900 Rumania ishte shteti i vetëm në botë që eksportonte benzinë. Përgjatë këtyre 150 viteve të industrisë nafte nxjerrëse në Rumani u vendosën bazat dhe u krijuan kompanitë si Ylli Rumun (Steaua Romana), Vega, Astra Romana etj.

- Reklama -
spot_img
- Reklama -

Artikujt e Fundit