28.5 C
Tirana
E premte, 19 Korrik 2024

Shpërndahen matës falas për banorët – Zbulojnë se cilat pajisje në Maqedoninë e Veriut shpenzojnë më shumë energji

Duhen Lexuar

Qendra për Ndryshime Klimatike në Maqedoninë e Veriut, i ofron qytetarëve që janë të interesuar për mënyrat e uljes së faturave të energjisë elektrike, përballë krizës aktuale energjitike, aparatura falas për matjen e konsumit të energjisë elektrike te të gjitha pajisjet elektroshtëpiake.

Në këtë mënyrë qytetarët do të mësojnë saktësisht se cilat pajisje rrisin faturat e energjisë.

Qendra për Ndryshime Klimatike si organizatë joqeveritare në Maqedoninë e Veriut vepron që nga viti 2007 dhe ka në fokus përmirësimin e performancave energjetike të vendit.

Pakoja e Qendrës për Ndryshime Klimatike në Maqedoninë e Veriut përmban katër lloje matësish për konsumin e energjisë elektrike: dy prej të cilëve veprojnë me anë të internetit, përmes një aplikacioni të telefonit celular, ndërsa dy matësit e tjerë janë të lidhur në formë të drejtpërdrejtë me prizat, ku janë lidhur pajisjet elektroshtëpiake, për të cilat konsumatori është i interesuar të mësojë sa kilovat orë energji konsumojnë. Disa prej atyre që i kanë provuar pohojnë se një gjë e tillë i ka ndihmuar për të ndryshuar zakonet në përdorimin e tyre.

Një nga vendimet e para të ndërmarra nga qytetarët është zëvendësimi i pocave të zakonshëm me ndricues led të cilët harxhojnë më pak. Pajisjet për ngrohje, furra dhe furnela elektrike janë ato që shpenzojnë më shumë. Në këtë mënyrë përdorimi i tyre përdoren më shumë gjatë kohës kur energjia elektrike është me tarifë të lirë: nga ora 22.00 deri në 07.00 të mëngjesit.

Qendra për Ndryshime Klimatike në Maqedoninë e Veriut thekson se ulja konsumimit të energjisë elektrike nuk është e rëndësishme vetëm për shkak të faturave të larta të energjisë elektrike, por kjo ka një rëndësi të veçantë dhe për ambientin, pasi së fundmi me krizën e gazit natyror.

Qeveria e Maqedonisë së Veriut që nga 1 shatori deri më 31 mars 2023, aq sa mendohet të zgjasë kriza energjetike, ka detyruar të gjitha institucionet e shtetit të kursejnë energji elektrike për 15%.

Të dhënat e Komisionit Rregullator për Energjetikën tregojnë se Maqedonia e Veriut, me 1.8 milion banorë, importon një të tretën e energjisë elektrike që i nevojitet. Në vitin 2021, në Maqedoninë e Veriut janë konsumuar 7.906 gigavat orë energji elektrike, ndërsa janë prodhuar 5.285 gigavat orë.


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications