20.5 C
Tirana
E premte, 14 Qershor 2024

“Shteti nuk mori atë që i takon”, “bumi” i shifrave të turistëve s’u reflektua në ekonomi

Duhen Lexuar

Turistë erdhën si kurrë më parë këtë vit, por “bumi” i shifrave nuk u reflektua në rritje ekonomike.

Ndonëse në harkun e muajve prill-qershor vendin e vizituan mbi gjysmë milionë më shumë të huaj se një vit më parë, kontributi i sektorit në Prodhimin e Brendshëm Bruto mbeti në vendnumëro… në vetëm 0.2 për qind. Kjo mospërputhje shifrash e ka një shpjegim.

 “Në të gjitha hallkat e industrisë tonë turistike, kemi një ekonomi gri goxha të madhe. Perceptimi i tregut është që të paktën 35 për qind e totalit të qarkullimit të parasë në ekonomi për sa i përket industrisë turistike, qarkullojnë në ekonominë gri”, shprehet Ferjolt Ozuni, pedagog, ekspert për tuizimin.

Edhe më e përhapur është shkalla e informalitetit te punësimet në sektorin e turizmit. Një analizë e kryer nga Instituti i Vjenës për Studime Ekonomike Ndërkombëtare, tregon se në Shqipëri informaliteti në punësim, veçanërisht në turizëm është 3 herë më i përhapur se në vendet e tjera të rajonit.

 “Të gjitha këto sjellin automatikisht edhe në burimet njerëzore një pagesë jashtë sistemit bankar, sepse kemi disa para që i kemi marrë jashtë sistemit bankar dhe duhet ti harxhojmë  jashtë sistemit bankar. Në Shqipëri kemi punonjës që deklarohen me 45 mijë lekë në muaj dhe pjesa tjetër kalon “cash””, thotë Ozuni.

Në një kohë që qeveria ka paralajmëruar ndërhyrje që nga viti i ardhshëm, aktorë nga sektori i turizmit kërkojnë që rregullimi të nisë që nga Tatimi Mbi Vlerën e Shtuar.

 “Çfarë unë mendoj se është e nevojshme në momentin që flasim është që duhet të shikohet komplet TVSH-ja dhe tatimi në tërësinë e vet për operatorët që operojnë në industrinë turistike. Ne sot tarifojmë me 6% TVSH akomodimin ndërsa ushqimin që turisti e merr në po të njëjtën paketë e taksojmë me 20%. Kjo bën lëmsh të gjithë situatën dhe gjithashtu krijon hapësirë bizneseve për abuzim në deklarim”, shprehet eksperti.

Nga viti i ardhshëm, të ardhurat nga sektori i hotelerisë to të vilen duke u bazuar në një sistem reference të caktuar nga qeveria. Kështu deklarimi nuk do të jetë më vetëm në vullnetin e plotë të hoteleve.

Burimi: A2 CNN

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications