29.5 C
Tirana
E mërkurë, 24 Korrik 2024

Sindikata gjermane arrin marrëveshjen për pagat – Punonjësit e industrisë do të përfitojnë rritje 5,2% vitin e ardhshëm dhe 3,3% në 2024

Duhen Lexuar

Sindikata më e madhe e Gjermanisë dhe punëdhënësit kanë rënë dakord për dy raunde të rritjes së pagave për punëtorët e sektorit të industrisë, duke shmangur kërcënimin e një greve në ekonominë më të madhe të Europës. Sindikata IG Metall tha se marrëveshja do të rriste pagat me 5.2% vitin e ardhshëm dhe 3.3% në 2024. Përveç kësaj, bonuse pa taksa prej 3,000 euro do të jepen për të frenuar presionet inflacioniste.

Marrëveshja mbulon rreth 3.9 milionë punëtorë në sektorin industrial të Gjermanisë dhe ndihmon në kompensimin e rritjes së kostos së jetesës. Bisedimet midis IG Metall dhe sindikatës së punëdhënësve kanë qenë një nga zhvillimet më domethënëse në krizën energjetike të Europës deri më tani. Sindikata të tjera kërkojnë gjithashtu rritje, si Ver.di, e cila përfaqëson punonjësit e sektorit të shërbimeve dhe kërkon një rritje prej 10.5% për 2.5 milionë punonjës të sektorit publik.

Kompanitë kanë hezituar të rrisin pagat për shkak të rritjes së kostove për lëndët e para, gazin natyror dhe energjinë elektrike. Në të njëjtën kohë, ekziston shqetësimi se paga më e lartë mund të rrezikojë rrënjosjen e inflacionit tashmë të lartë.

Bankierët qendrorë shqetësohen se nëse ka marrëveshje për një rritje të madhe pagash, atëherë kjo mund të shkaktojë një spirale rritjeje të pagave dhe çmimeve, duke e mbajtur inflacionin të lartë për më gjatë. Kohët e fundit, presidentja e BQE-së Christine Lagarde tha se rritjet më të larta se sa pritej të pagave janë një faktor kryesor rreziku për parashikimet e inflacionit. Gjithashtu, norma e rritjes së pagave do të përcaktojë pjesërisht normën e rritjes së kreditimit.


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications