29.5 C
Tirana
E mërkurë, 24 Korrik 2024

Stambolli, qyteti më i dashur nga udhëtarët ‘single’ për këtë Shën Valentin

Të udhëtosh në Ditën e Shën Valentinit është e mundur dhe, me sa duket, vendi më i mirë për të shkuar është Stambolli.

Duhen Lexuar

Çdo vit, ka shumë persona single që përpiqen të shpëtojnë nga kjo festë arbitrare dhe komerciale, të cilët vendosin t’ia kushtojnë këtë ditë vetes. Qoftë me një darkë në një restorant të bukur, qoftë me një udhëtim relaksues jashtë vendit, ka shumë mënyra për ta shijuar këtë ditë nëse jeni vetëm.

Këtë vit, personat single kanë qenë në kërkim të një destinacioni në veçanti: Stambollit.

Qyteti më i madh i Turqisë ishte destinacioni më i kërkuar nga udhëtarët single në Europë, sipas motorit të kërkimit të udhëtimeve KAYAK.

Dhe nëse ka diҫka që është e vërtetë për Stambollin, është se ka aq shumë vende për të parë, për të vizituar dhe për të përjetuar në këtë qytet sa që do të ishte e pamundur që ndonjë person single të ndihej i mërzitur.

Me mbi 3,000 xhami, duke përfshirë Xhaminë madhështore Süleymaniye dhe Xhaminë Blu; tregjet e zhurmshme – Pazari i Madh nuk duhet lënë pa u vizituar; dhe pamjen e mrekullueshme të Bosforit, ky qytet ofron shumë përvoja për të mbushur kohën tuaj.

Në fakt, ka kaq shumë gjëra për të parë sa mund të hutoheni. Por, në Stamboll ka edhe shumë udhëtarë single, madje mundësia për të takuar miq – si dhe për të filluar një romancë – është shumë e madhe.

Megjithatë, diҫka që udhëtarët nuk do të mund ta gjejnë në Stamboll për momentin është ajo atmosfera e festës që e ka karakterizuar qytetin prej kohësh.

Jeta kulturore e Stambollit ka rënë ndjeshëm për shkak të një takse mbi alkoolin dhe cigaret.

Që nga 1 janari, kostoja e duhanit dhe e pijeve alkoolike është rritur me 47 për qind, duke prekur frekuentuesit e klubeve dhe të restoranteve, biznese këto që po përballeshin edhe me ndikimin negativ të pandemisë në aktivitetin e tyre.

Cilat janë disa destinacione të tjera për udhëtarët single?

Çuditërisht, qyteti i dytë më i kërkuar ishte Parisi, qyteti i dashurisë. Kjo tregon se njerëzit ose janë në kërkim të një romance përrallash që do t’i magjepsë menjëherë, ose thjesht po përpiqen të kenë një përvojë si ajo e Emily in Paris në kryeqytetin francez.

Roma ndjek Parisin si destinacioni i tretë më i kërkuar. Ndoshta jeni duke menduar për diçka romantike, si për shembull udhëtimi me një Vespa nëpër rrugët e Qytetit të Përjetshëm.

Por e vërteta është se Roma është gjithashtu një qytet i mrekullueshëm për personat single, pasi ju thjesht mund të shijoni arkitekturën  mbresëlënëse dhe mrekullitë historike, si dhe të provoni ushqime shumë të shijshme. Në Itali tashmë është hequr edhe mbajtja e detyrueshme e maskave në ambientet e jashtme.

Nëse buxheti juaj nuk është edhe aq i madh për këtë Shën Valentin, motorët e kërkimit sugjerojnë edhe Milanon, qyteti më i lirë për ku mund të gjeni një biletë avioni.

Sigurisht, ky qytet është shumë më pak romantik, por në fund të fundit, kështu duhet të jetë një udhëtim single për Shën Valentin.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications