29.5 C
Tirana
E mërkurë, 24 Korrik 2024

“Ujësjellësit, të bëjnë studim mbi eficiencën e energjisë” – Kuvendi, kërkesë ERRU-së: Energjia, kosto të larta operacionale për shoqëritë

Duhen Lexuar

Enti Rregullator i Ujit duhet t’iu kërkojë ujësjellësve të bëjnë një studim mbi eficiencën e energjisë në sistemet e furnizimit me ujë, duke u fokusuar në përdorimin e burimeve alternative të rinovueshme nga këto shoqëri”.

Kërkesa vjen nga Kuvendi, që në rezolutën e vitit 2024, i lë detyra ERRU-së në këtë drejtim, duke pasur parasysh ndikimin që ka kosto e energjisë ne kostot operacionale të shoqërive të ujësjellës – kanalizimeve.

Në fakt, kostot e energjisë janë një shqetësim për këto shoqëri, që lindin si pasojë e humbjeve fizike, por edhe cilësisë së pompave të përdorura prej tyre. Për pasojë shumë prej kompanive përballen me fatura të larta dhe të papërballueshme për financat e tyre, duke akumuluar borxhe ndaj Operatorit të Shpërndarjes së Energjisë Elektrike.

Në këto kushte nevoja e rritjes së eficiencës së përdorimit të energjisë elektrike, si dhe gjetja e rrugëve të tjera për reduktimin e sasisë së energjisë elektrike të përdorur me anë të uljes së prodhimit të ujit, duke reduktuar humbjet fizike, është e madhe.

Eficienca e energjisë është edhe një nga treguesit e performancës së shoqërive, që raportohet nga Enti Rregullator i Ujit, nga viti 2022. Ndërkohë që, për herë të parë këtë vit u raportua tendenca e tij, që sipas ERRU-së shënoi një përmirësim të lehtë. Kështu, gjatë vitit 2023 ky tregues rezultoi në 0.5 kWh/m³, nga 0,65 kWh/m³ që ishte një vit më parë.

Ola Mitre /


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications