29.5 C
Tirana
E enjte, 13 Qershor 2024

BB, 80 mln USD kredi për mbetjet – Projekti ka në fokus bashkitë e pellgut të lumit Vjosa. Përfitojnë 138.800 banorë

Duhen Lexuar

Banka Botërore ka miratuar projektin “Mjedisi i pastër dhe i qendrueshëm për dete blu” për Shqipërinë, me vlerë prej 80 milionë dollarësh, që do të trajtojë ndotjet në brezin bregdetar jugperëndimor të vendit.

Ndërkohë që, ky projekt synon Zonën e Mbetjeve nga Jugu i Vlorës në Gjirokaster si dhe lumin Vjosa, i fundit lumë me rrjedhje të lirë në Evropë, duke përmirësuar menaxhimin e mbetjeve të ngurta dhe reduktuar ndotjen e ujit.

Sipas Bankës Botërore, investimi i tij do të përmirësojë menaxhimin e mbetjeve, nga grumbullimi në riciklim, në bashkitë e pellgut të lumit Vjosa. Vlerësohet se janë 138.800 banorë të bashkive Përmet, Këlcyrë, Gjirokastër, Libohovë, Tepelenë, Memaliaj dhe Selenicë, që do të përfitojnë drejtpërdrejt nga shërbime më të mira të menaxhimit të mbetjeve të ngurta dhe kanalizimeve të ujërave.

Gjithashtu, banka bën me dije se me një vëmendje të shtuar në ruajtjen e pasurive unike natyrore, trashëgimisë kulturore të zonës dhe potencialit turistik me vlerë të lartë, projekti i ri synon ta transformojë këtë rajon në një forcë lëvizëse për rritjen ekonomike lokale, rajonale dhe kombëtare.

Ola Mitre/


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications