Home Turizmi Destinacionet më të bukura të Turqisë

Destinacionet më të bukura të Turqisë

0
Destinacionet më të bukura të Turqisë

Në bregun jugperëndimor të Turqisë, ujërat e kaltra përqafojnë plazhet me rërë të artë, ndërsa zonat arkeologjike janë dëshmi e qytetërimeve të kaluara.

Të vendosura në një sfond me male të mrekullueshme, qytetet me rrugët me kalldrëm dhe marinat e mbushura me jahte ofrojnë një kuzhinë të pasur që pasqyron pozicionin e Turqisë në udhëkryqin mes Europës dhe Azisë.

Ky është Bregu i Kaltër, një nga destinacionet më të nxehta të verës.

Në zemër të këtij bregdeti vezullues janë dy destinacione për pushime që ofrojnë gjithҫka, nga plazhet e përsosura e deri tek aventurat e pafundme, kultura e jashtëzakonshme dhe vende fantastike për të qëndruar.

Pazaret e zhurmshme dhe hijeshia e qytetit të vjetër e kanë bërë Bodrumin një destinacion të preferuar prej kohësh, ndërsa bukuria hyjnore natyrore e rajonit të Dalamanit tundon pushuesit më në lindje.

Kënaqësitë e Dalamanit

Malet e mbuluara me pisha aromatike zhyten në ujërat e kaltër të Dalaman. Turistët mund të çlodhen në rërën e bardhë e të paprekur, mund të eksplorojnë qytetet e bukura dhe të përjetojnë eksperiencën e Marmaris, ku Deti Egje bashkohet me Mesdheun.

Plazhet e bukura lidhin së bashku resortet e shtrira përgjatë këtij bregdeti. Ju do të gjeni rrënoja të lashta në kodra dhe madje do të jeni në gjendje të blini disa suvenire në pazaret e zonës.

Ujërat e kristaltë

Nëse jeni duke kërkuar rërë të mëndafshtë, ujë të kripur dhe momente plot me diell, do t’ju pëlqejnë plazhet dhe lagunat e qeta të Rivierës Turke.

Laguna blu në Ölüdeniz pranë Fethiye është një nga plazhet më të fotografuara në botë.

Merrni një kanoe ose vozisni me një varkë për të eksploruar zonën, për t’u zhytur në ujë ose thjesht për t’u çlodhur dhe për të shijuar pamjet nga rëra e artë.

Varret dhe banjat e baltës

Poshtë rrugës në Dalyan, bëni një ekskursion me varkë në pishinat misterioze të squfurit dhe banjot e baltës në anën tjetër të liqenit të madh blu.

Kaloni një mëngjes duke provuar seancën për kujdesin e lëkurës, para se të shkoni në varret e lashta Kariane.

Këto varre të pabesueshme të lashta janë ato që mbeten nga një nekropol i shekullit IV para erës sonë, të cilat janë gdhendur drejtpërdrejt në faqen e shkëmbit.

Aventurat në ishull

Vija bregdetare rreth Dalaman ofron një mundësi unike për të parë të një pjesë të madhe të ishujve të Turqisë.

Eksploroni plazhet me breshkat e detit dhe limanet e fshehura, ose bëni rafting në ujërat e bardha për të përjetuar emocione të paharrueshme.

Bukuria e Bodrumit në Rajonin Turk të Egjeut

Dikur një qytet peshkimi i panjohur, Bodrumi është bërë gjithnjë e më shumë popullor duke arritur të cilësohet si një vend i shkëlqyer për pushime, pa e humbur origjinalitetin e tij. Plazhet e arta dhe ujërat e kësaj zone formojnë një sfond të bukur për qytetin e zhurmshëm.

Këtu ndodhet një marinë magjepsëse dhe qyteti i vjetër tërheqës, si dhe shumë restorante plot stil, të gjitha të kurorëzuara me një kështjellë. Në zonën e Bodrumit, mund të zbuloni përgjigjen e Turqisë për St. Tropez në Turkbuku ose të shijoni atmosferën e fshatit në Torba.

Ndërtesat shumëngjyrëshe kanë pamje nga deti në Guvercinlik, ndërsa Turgutreis ndërthur shopping-un me muzgun e bukur. Ky rajon ofron gjithҫka.

Rrënojat madhështore

Përjetoni ditët e perandorëve dhe të gladiatorëve në Efes, në qytetin pranë İzmirit, i cili më parë ka qenë qyteti më i rëndësishëm në Azinë e Vogël, ndërsa sot është një relike e ruajtur bukur e së kaluarës romake.

Rrënojat e Tempullit të Artemidës, një nga shtatë mrekullitë e botës së lashtë, gjithashtu ndodhen në të njëjtin vend.

Në qendër të Bodrumit, një qytet në provincën Muğla i cili ndodhet pranë İzmirit, mund të shihni sesi Kështjella e Bodrumit e shekullit të 15-të qëndron në mënyrë stoike me një pamje nga marina. Këtu ndodhet gjithashtu Muzeu i Arkeologjisë Nënujore.