16.5 C
Tirana
E diel, 16 Qershor 2024

Firmoset kredia me BEI për hekurudhën Vorë – Hani i Hotit! Balluku: Projekti ka rëndësi jo vetëm për Shqipërinë, por edhe për rajonin

Duhen Lexuar

Pas Bankës Evropiane për Rindërtim dhe Zhvillim, është nënshkuar marrëveshja e huasë edhe me Bankën Evropiane të Investimeve për ndërtimin e linjës hekurudhore Vorë – Hani i Hotit.

Lajmin e bëri me dije ministrja e Infrastrukturës dhe Energjisë, Belinda Balluku përmes një postimi në rrjetet sociale, ku theksohej se linja me gjatësi 120 kilometra, ka rëndësi jo vetëm për Shqipërinë, por edhe rajonin, duke lehtësuar lëvizjen e qytetarëve dhe mallrave. Balluku shtoi se pas Tiranë – Durrës me degëzim në Rinas, Vorë – Hani i Hotit është projekti i dytë madhor i qeverisë shqiptare në transportin hekurudhor.

Kosto totale për rehabilitimin e kësaj linje hekurudhore përllogaritet në 373.15 mln euro, ndërkohë që struktura e financimit për këtë projekt ndahet midis kredive të dhëna nga BERZH dhe Banka Evropiane Investimeve, një granti të Bashkimit Evropian dhe mbulimit të TVSH-së nga buxheti i shtetit. Granti i BE-së kap vlerën e 120 mln euro, kredia e BERZH, 98.75 euro, ndërsa kredia e BEI, 100 mln euro. Rehabilitimi i kësaj linje hekurudhore parashikohet të sjellë një sërë përfitimesh në drejtim transportit të pasagjerëve, mallrave, por edhe mjedisit.

Një raport i Komunitetit të Transportit thekson se ndërtimi i linjës së re dhe elektrifikimi i saj synon të krijojë kushte më të mira për zhvillimin e shërbimeve të pasagjerëve dhe mallrave, të përmirësojë kapacitetin e transportit, si dhe zhvillimin e transportit multimodal dhe intermodal në Shqipëri dhe në rajon. Projekti i hartuar për rehabilitimin e kësaj linje hekurudhore do mundësojë lëvizjen e trenave me shpejtësi 120 km/orë, ndërsa përshkon ultësirën perëndimore me stacione në Vorë – Mamurras – Laç – Milot – Lezhë – Shkodër – Koplik – Hani i Hotit, ku është edhe kufiri me Malin e Zi.

Projekti do të mundësojë elektrifikimin e shinave hekurudhore, rindërtimin e 12 stacioneve hekurudhore, futjen e një sistemi të ri telekomunikacioni dhe sinjalistike dhe përmirësime të sigurisë. Këto do të mundësojnë shpejtësi deri në 120 km/h, duke rritur efikasitetin dhe kapacitetin e transportit hekurudhor të pasagjerëve dhe mallrave. Si një zgjatim i korridorit kryesor TEN-T Mesdhetar, linja hekurudhore Vorë-Hani i Hotit lidh Tiranën me Podgoricën dhe është e vetmja lidhje hekurudhore midis Shqipërisë dhe pjesës tjetër të Evropës.

Ola Mitre/

 


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications