11.5 C
Tirana
E premte, 1 Mars 2024

Industria gjermane kërkon më shumë mbështetje – Qëllimi, reduktimi i varësisë tregtare nga Kina   

Duhen Lexuar

Një nga grupimet kryesore lobuese të industrisë gjermane, bëri apel për më shumë mbështetje për industrinë vendase, me qëllim diversifikimin e tregtisë përtej Kinës. Ndërkohë qeveria në Berlin po përgatit politika të reja që synojnë reduktimin e varësisë së ekonomisë nga Pekini.

Shoqata e Dhomave Gjermane të Industrisë deh Tregtisë, në një deklaratë për agjencinë e lajmeve Reuters, konfirmuan se bizneset u përballën me një barrë administrative si pasojë e masave të planifikuara si testim për stresin dhe rianalizim i investimeve në Kinës. Kreu për tregtinë e jashtme në këtë shoqatë u shpreh se cdo gjë që ka dëgjuar deri tani për strategjinë e qeverisë gjermane për Kinën, është në pozicion mbrojtës për ekzekutivin. Ai shtoi se ka mungesë të një strategjie inkurajimi për ndërtimin e marrëdhënieve të qëndrueshme ekonomike, vecanërisht në sferën më të gjerë në Azi – Paqësor, për të shmangur varësitë e njëanshme.

Pyetur për këtë deklaratë, ministria e jashtme kineze në Pekin, tha për Reuters se shpresonte që Gjermania të zhvillonte marrëdhëniet dypalëshe në një mënyrë objektive dhe racionale. Kjo duke miratuar një politikë në dobi të njerëzve të të dyja vendeve.

Lufta e Rusisë në Ukrainë, për të cilën zyrtarë gjermanë thonë se nxori në pah faktin që ekonomia vendase ishte shumë e varur nga energjia ruse, ka nxitur një rishqyrtim të lidhjeve me Pekinin, të cilat janë shumë të ngushta sidomos në sektorin e prodhimit.

Vetëm katër kompani gjermane – prodhuesit e automjeteve Mercedes-Benz, BMË dhe Volksëagen, si dhe gjigandi i kimikateve BASF – përbënin një të tretën e të gjithë investimeve europiane në Kinë në 2018-2021.

Dokumenti i ministrisë së jashtme, i cili ende duhet të miratohet nga ministritë e tjera, thekson se industritë kryesore, duke përfshirë automjetet dhe kimikatet, duhet të shmangin rrezikun për kompanitë dhe vendin duke investuar shumë në Kinë.


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit