16.5 C
Tirana
E shtunë, 15 Qershor 2024

Klasi i energjisë, gjoba për etiketat – IMT, masa deri në 350 mijë lekë në rast të shkeljesh, 2-fish nëse përsëritet

Duhen Lexuar

Nga 150 – 350 mijë lekë gjobë për furnizuesit dhe tregtarët që nuk vendosin etikat e klasit të energjisë në pajisjet që importojnë apo tregtojnë. Këto janë parashikimet e reja ligjore, të publikuara në Fletoren Zyrtare që vendosin detyrime për bizneset që shesin produkte që gjatë përdorimit kanë një ndikim të rëndësishëm, të drejtpërdrejtë apo të tërthortë, për konsumin e energjisë.

Ligji vendos detyrimin për dhënien e informacionit mbi konsumin e energjisë dhe burimeve të tjera, të produkteve me ndikim në energji për konsumatorin fundor. Etiketa informuese duhet të përfshijë informacione standarde të produkteve në lidhje me eficiencën e energjisë, konsumin e energjisë dhe të burimeve të tjera gjatë përdorimit, duke u mundësuar kështu klientëve që të zgjedhin produkte më eficiente në mënyrë, që të reduktojnë konsumin e tyre të energjisë.

Ligji jep edhe detaje mbi përmbajtjen që duhet të ketë etika apo pozicionimin e saj, duke specifikuar se ajo duhet të ketë karakteristika dizenjimi sa më të njëtrajtshme, përmes grupeve të produkteve dhe në çdo rast, të jetë qartësisht e lexueshme dhe e dukshme

Zbatimi i ligjit do të monitorohet nga Inspektorati i Mbikqyrjes së Tregut, që do të ketë edhe të drejtën për vendosjen e gjobave. IMT, mund të dyfishojë masën e gjobave kur edhe pas marrjes së masave, furnizuesi ose tregtari rezulton se përsërit shkeljen për të njëjtin product.

Ola Mitre /

 


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications