12.5 C
Tirana
E premte, 1 Mars 2024

“Perspektiva ekonomike globale, më e zymtë” – FMN paralajmëron rreziqe të shumta përtej parashikimeve të mëparshme

Duhen Lexuar

Perspektiva ekonomike globale është dhe më e zymtë se sa ishte parashikuar muajin e kaluar, sipas Fondit Monetar Ndërkombëtar, i cili përmendi një përkeqësim të vazhdueshëm në sondazhet e menaxherëve rë blerjeve në muajt e fundit. Ai fajësoi perspektivën më të errët në shtrëngimin e politikës monetare të shkaktuar nga inflacionin vazhdimisht i lartë dhe me bazë të gjerë; momenti i dobët i rritjes në Kinë dhe ndërprerjet e vazhdueshme të furnizimit si dhe pasiguria ushqimore, shkaktuar nga pushtimi rus i Ukrainës.

FMN muajin e kaluar uli parashikimet për sa i përket rritjes së ekonomisë globale për vitin 2023 në 2.7% nga një parashikim i mëparshëm prej 2.9%.

Në një raport të përgatitur për samitin e liderëve të G20-ës në Indonezi, FMN tha se treguesit e fundit të frekuencës së lartë ‘konfirmojnë se perspektiva ekonomike është më e zymtë sidomos në Europë’.

Më tej shtoi se indekset e fundit të menaxherëve të blerjeve që masin aktivitetin e prodhimit dhe shërbimet, sinjalizuan dobësi në shumicën e ekonomive kryesore të G20-ës, me aktivitetin ekonomik të vendosur të tkurret ndërsa inflacioni mbeti i lartë.

Më tej FMN shton se pritshmëritë për rritje të një pjese të ekonomive të vendeve të G20-ës kanë rënë në nivele që sinjalizojnë tkurrje. Sfidat me të cilat po përballet ekonomia globale, sipas tij, janë të mëdha dhe dobësimi i treguesve ekonomikë tregon për sfida të tjera në të ardhmen. Gjithashtu theksohet se mjedisi aktuali politikave ekonomike është jashtëzakonisht i pasigurt.

Përkeqësimi i krizës energjitike në Europë do të dëmtonte rëndë rritjen ekonomike dhe do të rriste inflacionin. Në një kohë që inflacioni i lartë që zgjat në kohë mund të nxisë rritje më të mëdha se sa pritej të normave të interesit si dhe një shtrëngim të mëtejshëm të kushteve financiare globale. Kjo nga ana e saj paraqet rreziqe në rritje të një krize borxhi sovran për ekonomitë e cënueshme. Në fund të raportit të FMN-së shkruhet se ngjarjet gjithnjë e më ekstreme atmosferike do të dëmtojnë gjithashtu rritjen ekonomike në të gjithë globin.


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit