29.5 C
Tirana
E mërkurë, 24 Korrik 2024

Qeveria, 74,6 mld lekë borxh në tregun e brendshëm – Në korrik-shtator do të zhvillohen 18 ankande bonosh dhe obligacionesh

Duhen Lexuar

Gjatë periudhës korrik-shtator Ministria e Financave ka planifikuar të zhvillojë 19 ankande bono thesari dhe obligacionesh. Sipas kalendarit të bërë publik, gjatë tre muajve të ardhshëm qeveria synon të sigurojë në tregun e brendshëm një hua prej 74,6 miliardë lekësh. Karakteristikë për këtë periudhë që përkon më së shumti me pushimet verore është se pjesa më e madhe e ankandeve janë për obligacionet.

Në muajin korrik është parashikuar vetëm një ankand për bono thesari 12-mujore, me vlerë prej 9,5 miliardë lekë. Ndërkohë, pesë ankandet e tjera janë për obligacionet, emetime të reja 2, 3, 5, 7 dhe 10-vjeçare me një vlerë totale prej 22 miliardë lekë.

Në muajin gusht pritet të zhvillohen tre ankande bonosh 6 dhe 12-mujore me vlerë të përgjithshme 15,6 miliardë lekë, si dhe katër ankande obligacionesh. Gjatë këtij muaji, qeveria synon të sigurojë në tregun e brendshëm 25,6 miliardë lekë.

Sa i përket shtatorit është planifikuar të zhvillohet vetëm një ankand bonosh 12-mujore me vlerë 6,5 miliardë lekë, si dhe katër ankande obligacionesh rihapje.

Gjatë këtij viti është parashikuar që borxhi publik do të merret në masën më të madhe në tregun e brendshëm, në formën e bonove të thesarit dhe obligacioneve. Referuar planit vjetor të huamarrjes, totali i emetimeve të këtij viti pritet të jetë rreth 378.64 miliardë lekë.

Investimi në tituj qeveritar konsiderohet si investimi më i sigurtë në vend. Individët mund të marrin pjesë në ankandet e bonove të thesarit  nëpërmjet sporteleve të Bankës së Shqipërisë në Tiranë dhe degët e saj në qytetet Shkodër, Elbasan, Lushnje, Korçë dhe Gjirokastër, ose nëpërmjet subjekteve të licencuara nga autoritetet përkatëse për këtë shërbim.

Dorian Koça/


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications