23.5 C
Tirana
E hënë, 15 Korrik 2024

Qeveria pagesë për punësimin e grupeve vulnerabël – Program 6 mujor/ 8 mijë lekë për pjesëmarrje, u hiqen shpenzimet për transport

Duhen Lexuar

Qeveria do të mbështesë financiarisht grupet vulnerabël me qëllim integrimin në tregun e punës. Vendimi i cili përcakton procedurat, kriteret dhe rregullat për zbatimin e programit të nxitjes së punësimit nëpërmjet riintegrimit social,  ka hyrë në fuqi.

Përfituesit e këtij programi janë punëkërkuesit e papunë të regjistruar në zyrën e punës, të cilët  evidentohen nga ndërveprimi me sistemin tatimor  se kanë më shumë se 6 muaj të papunë  Prioritet kanë përfituesit e skemës së ndihmës ekonomike, anëtarë të  komunitetit rom dhe egjiptian, personat me aftësi  të kufizuara, gratë që banojnë në njësitë administrative vendore, ku nuk ka struktura vendore punësimi, si dhe punëkërkues të tjerë  nga grupet e veçanta.

Programi i riintegrimit social është një  program me kohëzgjatje deri në gjashtë muaj, i  cili ka qëllim përfshirjen në tregun e punës të  punëkërkuesve të papunë nëpërmjet ofrimit të  këshillimit  të  specializuar  për  punësim,  vetëpunësim dhe formim profesional. Programi në fjalë do të zbatohet nga Agjencia Kombëtare e Punësimit dhe Aftësive  në bashkëpunim me institucione të tjera  publike dhe organizata jofitimprurëse, të cilat kanë në fokus të veprimtarisë së tyre fuqizimin ekonomik të grupeve të disavantazhuara.

Referuar vendimit, programi i riintegrimit social u ofron punëkërkuesve shërbimet mbështetëse, si edhe një mbështetje financiare për pjesëmarrjen në program. Konkretisht  pagesë për pjesëmarrje në program, në  vlerën prej 8 mijë lekësh në muaj, për  çdo përfitues.

Për përfituesit, persona me aftësi  të kufizuara, pagesa është 10 mijë lekë; bonus për shpenzimet e transportit, në rast se distanca e vendbanimit nga vendi i zbatimit të  programit është më e madhe se 2 km, në vlerën prej 1 800  lekësh në muaj;  bonus për kujdesin e fëmijëve në ngarkim,  deri në fillimin e arsimit bazë, në vlerën prej 4 mijë lekësh në muaj për fëmijë;  bonus për kujdesin e të moshuarve ose të të  sëmurëve në ngarkim, në vlerën prej 3 mijë lekësh në muaj për person.

OJF-ja, që ofron shërbimet e këtij programi, në favor të përfituesve, mbështetet financiarisht me subvencionim të kostove. Financimi i programit për OJF-në zbatuese të këtij programi kryhet në formën e një granti, ku mbulohen të gjitha shpenzimet, i cili disbursohet në tre këste. Nëse individët punësohen në një biznes prej një afat të paktën 6 muaj pas përfundimit të programit, OJF-ja përfiton 10 mijë lekë bonus për çdo individ.

Elisabeta Dosku/

 


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications