30.5 C
Tirana
E hënë, 24 Qershor 2024

Qeveria shqiptare miraton marrëveshjen e emigrantëve me Italinë. Sipas procedurës ligjore, drafti është gati për ratifikim në Parlament

Duhen Lexuar

Qeveria shqiptare miratoi marrëveshjen me Italinë për pritjen e emigrantëve. Vetëm 10 ditë pas vendosje së firmave në Romë, marrëveshja për ngritjen e qendrës pritëse për azilkërkuesit nga Afrika në zonën e Gjadrit është gati për ti kaluar Parlamentit për shqyrtim dhe ratifikim. Pas nënshkrimit Kryeministri Rama deklaroi se kjo është e para dhe e vetmja marrëveshje e kësaj natyre me një shtet të BE-së, duke lënë të kuptohet se nuk do pranohen kërkesat nga vende të tjera. Sipas kreut të qeverisë marrëveshja shlyen borxhin që Shqipëria i ka Italisë e cila ka mirëpritur dhe integruar me mijëra emigrantë shqiptarë.

Ndërkohë opozita e ka kundërshtuar marrëveshjen mes Kryeministrit Rama dhe homologes Meloni dhe e ka cilësuar atë si në kundërshtim me Kushtetutën dhe marrëveshjet ndërkombëtare.

Marrëveshja mes dy vendeve do të jetë në fuqi për 5 vite me të drejtë rinovimi. Ajo parashikon që gjatë kësaj periudhe emigrantët që do të transportohen nga Italia fillimisht do të regjistrohen në Portin e Shëngjinit dhe më pas do të vendosen në qendrën e pritjes në Gjadër, e cila ka një kapacitet deri në 3 mijë vende. Sipas marrëveshjes shpenzimet për transportin dhe trajtimin e emigrantëve që vijnë kryesisht nga vendet afrikane, do ti mbulojë qeveria italiane.

 


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications