29.5 C
Tirana
E mërkurë, 24 Korrik 2024

Sa peshë zënë dëmet bujqësore në Shkodër e Lezhë? – Të dyja qarqet përfaqësojnë 11.9 % të PBB-së në bujqësi

Duhen Lexuar

Shkodra dhe Lezha kanë qenë qarqet më të dëmtuara nga përmbytjet aktuale sa i takon tokave dhe prodhimit bujqëor. Por cila është pesha që zënë këto dy qarqe në Prodhimin e Brendshëm Bruto në sektorin e bujqësisë ?

Referuar të dhënave të INSTAT, Shkodra zë 7.24 për qind dhe Lezha 4.67 për qind,  ku të dyja se bashku mbajnë një peshë prej 11.9 për qind të totalit të PBB.

Qarku i Shkodrës lë pas Kukësin, Gjirokastrën, Durrësin dhe Dibrën. Pra nëse do ta analizojmë krahas qareve të tjera, duket se Shkodra dhe Lezha kanë një peshë të konsiderueshme të Prodhimit të Brendshëm Bruto në buqësi. Ndërsa kontrobutin më të lartë e jep Fieri me 23.9  për qind,  ndjekur nga Elbasani dhe Korca.

Ndërkohë sa i takon sipërfaqja e mbjellë me bimë të arave, Shkodra dhe Lezha zënë së bashku afro 57.7 mijë hektarë apo 13.7 për qind të sipërfaqës totale.

Qarku i Shkodrës është i njohur gjithashtu si më i rëndësishmi për kultivimin e bimëve aromatiko-mjekësore, ndërsa zë vendin e tretë në vend për rendimentin më të lartë në prodhimin e misrit pas Vlorës dhe Fierit, me 72.1 kv/ha.

Shifrat tregojnë impaktin e dëmeve në bujqësi që mund të vijnë si pasojë e përmbytjeve, ku pritet të bëhet një kalkulim i tyre pas qetësimit të situatës.

Elisabeta Dosku/


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications