29.5 C
Tirana
E enjte, 13 Qershor 2024

Shtrenjtimi i energjisë për furrat e bukës – Rihapet debati/ Shoqata, letër ERE-s: 2 propozime për faturimin e këtyre bizneseve 

Duhen Lexuar

Teksa në mesin e muajit korrik, Enti Rregullator i Energjisë rrëzoi kërkesën e OSHEE për rritjen e çmimit të energjisë elektrike për furrat e bukës, që tregtojnë edhe produkte të tjera, Shoqata e Bukës, Pastiçerisë dhe Brumrave kërkon një zgjidhje përfundimtare për tarifimin e këtyre bizneseve.

Përmes një shkrese dërguar pranë ERE-s, jepen 2 alternativat që sipas Shoqatës do të adresojnë problemin që ekziston prej vitesh. Kështu, për të përfituar tarifën preferenciale prej 7.6 lekë/kWh propozohet që subjektet të kenë një NIPT sekondar vetëm për prodhim buke dhe ambient të veccantë, por pa certifikatë pronësie.

Kjo e fundit është përdorur si argument nga OSHEE për të penguar nënshkrimin e 2 kontratave të furnizimit me energji elektrike, me matës të ndarë për këto subjekte. Ndërkaq, për subjektet që do prodhojnë dhe tregtojnë edhe produkte pasticcerie dhe brumra shoqata kërkon tarifimin me 9.5 lekë/kWh përmes përmbushjes së 3 kushteve, ku përfshihet licenca për furrë buke, pasticceri dhe brumra, në ambientet ku ushtrohet aktiviteti të ketë pajisje edhe për prodhim pasticcerit, byrketore apo bar kafe si dhe të ketë ambiente për shërbime të tjera.

Paralelisht, në shkresë kërkohet që të hiqet gjoba që vendoset përpara akt-konstatimit për furrat e bukës. Debati për e energjisë elektrike për furrat bukës ka nisur që prej vitit 2018, por deri më tani ERE nuk ka miratuar rritje të çmimit, duke lënë në fuqi tarifën preferenciale prej 7.6 lekë/ kWh. Gjithsesi, në mbledhjen e fundit të ERE-s të zhvilluar për këtë ccështje, pavarësisht vendimit për rrëzimin e kërkesës, u theksua se problematika e krijuar me këta abonentë kërkon zgjidhje.

Ola Mitre /

 

 


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications