Shqipëria ka arritur një nivel të lartë përafrimi me standardet e Bashkimit Evropian në fushën e politikës monetare, sipas vlerësimit të Komisionit Evropian në Raportin e Progresit për vendin.
Dokumenti i kushton vëmendje të veçantë Bankës së Shqipërisë. Komisioni konstaton se kuadri ligjor që rregullon veprimtarinë e saj është në linjë me acquis-in e BE-së, si për pavarësinë e bankës qendrore, ashtu edhe për ndalimin e financimit monetar të sektorit publik.
Aksesi i privilegjuar i sektorit publik
Një tjetër aspekt i vlerësuar në raport është përputhja e legjislacionit shqiptar me rregullat evropiane që ndalojnë aksesin e privilegjuar të sektorit publik në institucionet financiare.
“Për politikën monetare, Shqipëria ka një nivel të lartë të përafrimit me acquis-in e BE-së në lidhje me ndalimin e aksesit të privilegjuar të sektorit publik në institucionet financiare. Legjislacioni është i përafruar me acquis-in e BE-së për pavarësinë e bankës qendrore dhe ndalimin e financimit monetar të sektorit publik”, thuhet në Raportin e Progresit.
