Elisabeta Dosku/
Qeveria është e gatshme që të kthejë mbrapsht tek profesionistët e lirë tatimin e paguar sipas ligjit të ri mbi tatimin mbi të ardhurat, pasi neni i cili taksonte këtë kategori u shfuqizua nga Gjykata Kushtetuese.
Megjithatë, për të ndërmarrë këtë iniciativë, Ministri i Financave, Petrit Malaj, gjatë diskutimeve mbi aktin normativ në Komisionin e Çështjeve Ligjore, theksoi se do duhet të pritet plotësimi i vendimit të Kushtetueses.
“Ju mbani miliona euro të këtyre qytetarëve, pse nuk ndërmerrni një iniciativë për të kthyer këtë tatim të bizneseve që gjenden me pa të drejtë në arkën tuaj?
“Qeveria ka vullnetin për të kthyer mbrapa këto fonde , i kemi kërkuar Gjykatës kushtetuese të interpretojë se çfarë duhet të bëjmë. Pas shprehjes së Gjykatës Kushtetuese do marrim një vendim që çfarë do bëjmë, vullneti i qeverisë është që ti kthejë këto fonde mbrapsht duke ndjekur kuadrin ligjor”.
“Mjafton një nen në ligjin përkatës dhe s’kemi nevojë për të humbur kohë. Duket si tentativë për të zvarritur këtë çështje?
Pas më shumë se dy muaj nga vendimi i Gjykatës Kushtetuese për shfuqizimin e nenit në ligjin për tatimin mbi të ardhurat i cili taksonte profesionistët e lirë me një normë nga 15-23 për qind, ende nuk është gjetur rruga për rimbursimin e atyre bizneseve që kanë paguar detyrimin.
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
