30.5 C
Tirana
E hënë, 24 Qershor 2024

Rihapen tenderët për eficiencën e energjisë – Synohet ngritja e databazës së konsumit energjetik dhe monitorimi i planeve sektoriale

Duhen Lexuar

Agjencia për Eficiencën e Energjisë ka rihapur tenderët, që kanë në fokus monitorimin e planeve të detajuara sektoriale, si dhe ndërtimin e databazës për konsumet energjetike. Tenderët u hapën fillimisht në muajin qershor, por fillimisht u anuluan për shkak të ndryshimit të aftësive paguese të entit kontraktor, ndërsa më pas për shkak të mungesës së operatorëve ekonomikë pjesëmarrës në garë.

Ndërkaq, sa i takon procedurave, Agjencia për Eficiencën e Energjisë argumenton se në Shqipëri mungon sistemi zyrtar i grumbullimit dhe përpunimit të të dhënave energjetike e në veçanti ai për të dhënat e konsumit të energjisë.

Si rrjedhojë, hasen vështirësi të dukshme në hartimin dhe monitorimin e të gjitha planeve të efiencës së energjisë dhe burimeve të rinovueshme të energjisë. Po ashtu, sipas Agjencisë kjo vështirësi haset edhe në drejtim të strategjive dhe planeve kombëtare si dhe për monitorimin e targeteve të klimës për reduktimin e emetimeve të dioksidit të karbonit, bazuar në kërkesat e BE-së dhe Marrëveshjes së Klimës, të nëshkruar në Paris.

Ndërkaq, konsulenti që do të përzgjidhet do të duhet të përcaktojë investimet kryesore që kërkohen për arritjen e targetave për të gjithë sektorët socialekonomik për periudhën 2023-2030, si dhe mbulimin e tyre nga ana e Buxhetit të Shtetit, Fondit Monetar Ndërkombëtar, Bankat e Nivelit të Dytë apo investitorët Privatë. Tenderi për monitorimin e planeve ka një fond limit prej 25 mln lekësh, ndërsa ai për ngritjen e datbazës së konsumeve energjetike, 31.67 mln lekë.

Ola Mitre/


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications