16.5 C
Tirana
E diel, 16 Qershor 2024

Rihapen tenderët për eficiencën e energjisë – Projekte për rinovimin e godinave në 14 bashki dhe ngritja e databazës së konsumit energjetik

Duhen Lexuar

Pas anulimit, Agjencia për Eficiencën e Energjisë planfikon të rihapë tenderët, që kanë në fokus hartimin e projekteve për rinovimin me eficiencën energjie të godinave ekzistuese në disa bashki, si dhe ndërtimin e databazës për konsumet energjetike. Tenderët u hapën fillimisht në muajin qershor, por u anuluan për shkak të rrethanave të paparashikueshme dhe objektive, pasi nevojat ose aftësia paguese e entit kontraktor ndryshoi.

Ndërkaq, referuar procedurave projektet për rinovimin e godinave ekzistuese shumëfamiljare me efiçencë energjie do të realizohen për 14 qytete e më konkretisht: Berat, Dimal, Kuçovë, Skrapar, Poliçan, Gramsh, Patos, Roskovec, Memaliaj, Mallakastër, Gjirokastër, Libohovë, Përmet dhe Këlcyrë. Ndërkohë që, sa i takon tenderit për ngritjen e databazës për konsumet energjetike, Agjencia për Eficiencën e Energjisë argumentonte se në Shqipëri mungon sistemi zyrtar i grumbullimit dhe përpunimit të të dhënave energjetike e në veçanti ai për të dhënat e konsumit të energjisë.

Si rrjedhojë, hasen vështirësi të dukshme në hartimin dhe monitorimin e të gjitha planeve të efiencës së energjisë dhe burimeve të rinovueshme të energjisë. Po ashtu, sipas Agjencisë kjo vështirësi haset edhe në drejtim të strategjive dhe planeve kombëtare si dhe për monitorimin e targeteve të klimës për reduktimin e emetimeve të dioksidit të karbonit, bazuar në kërkesat e BE-së dhe Marrëveshjes së Klimës, të nëshkruar në Paris.

Ola Mitre /


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications