30.5 C
Tirana
E hënë, 24 Qershor 2024

Objektet kulturore të vjedhura, Qeveria krijon data bazë të posaçme – Do mblidhet informacion nga Policia, Doganat, Bashkitë, bashkësitë fetare, INTERPOL

Duhen Lexuar

Ndërsa vjedhja e objekteve të kultit është një fenomen që shoqëron vendin prej dekadash, Qeveria ka vendosur që të gjitha këto objekte t’i pasqyrojë në një data base digjitale të përditësuar rregullisht. Në vendim përcaktohet mënyra se si do krijohet dhe përditësohet baza e të dhënave të pasurive kulturore të vjedhura, të hyra ose nxjerra në mënyrë të paligjshme nga territori i Republikës së Shqipërisë. Grumbullimi dhe administrimi i të dhënave do bëhet në rrugë elektronike nga Instituti Kombëtar i Regjistrimit të Trashëgimisë Kulturore, ku përpunimi dhe përditësimi i tij, kryhet nëpërmjet një sistemi kompjuterik.

“Dhënësit e informacionit” janë subjektet publike, private ose ndërkombëtare, si dhe Drejtoria e Përgjithshme e Policisë së Shtetit dhe institucionet në varësi të saj, Drejtoria e Përgjithshme e Doganave dhe institucionet në varësi të saj, njësitë e vetëqeverisjes vendore, institucionet publike kombëtare që kanë në pronësi dhe administrojnë fonde të pasurive kulturore, bashkësitë fetare dhe organizmat ndërkombëtarë që operojnë brenda dhe jashtë territorit të Republikës së Shqipërisë dhe që kanë në fushën e veprimtarisë së tyre edhe trashëgiminë kulturore.

Në bazën e të dhënave do regjistrohet Lloji i objektit, si për shembull ikonë, pikturë, kupë, libër, statujë, shpatë, vazo, unazë, grafikë, gjetje arkeologjike, dokument, dorëshkrim arkivor etj. Më tej do specifikohet maateriali prej të cilit është i përbërë objekti,  si letër, dru, kanavacë, lloj metali, qelq, gur, pëlhurë etj, si dhe teknika e ekzekutimit (vaj, bojë tempera, pastel, mozaik, serigrafi, litografi, mënyra të përziera, me reliev të lartë, basoreliev, gdhendje me daltë, gdhendje në reliev, zbukurime me disa materiale.

Ndërkaq, Instituti Kombëtar i Regjistrimit të Trashëgimisë Kulturore do të marrë të dhëna edhe nga agjencitë ligjzbatuese ndërkombëtare si INTERPOL lidhur me pasuritë e vjedhura, por edhe përmes faqeve të ndryshme në internet kur bëhet fjalë për objekte të vjedhura në Shqipëri.

Lorenc Rabeta/


Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.

- Reklama -
spot_img
- Reklama -

Artikujt e Fundit

WallStreet.al Deshirojme tju informojme per cdo artikull te ri qe publikojme ne web.
Dismiss
Allow Notifications