Dorjan Teliti, anëtar i Kryesisë së Partisë Demokratike, paralajmëroi se paketa e re fiskale do të sjellë rritje çmimesh për konsumatorët. Sipas tij, çdo shtim kostoje për bizneset reflektohet te klientët.
“Sa herë që rriten kostot, rriten çmimet. Ky është ligj i ekonomisë”, deklaroi ai në një intervistë televizive.
Ulja e kufirit për biznesin e vogël
Teliti veçoi si element kryesor të paketës uljen e kufirit të xhiros për biznesin e vogël. Aktualisht, bizneset me xhiro vjetore deri në 100 milionë lekë të vjetra nuk janë në skemën e TVSH-së, ndërsa me ndryshimet e reja ky prag do të zbresë në 50 milionë.
“Do jenë mijëra dyqane lagjesh, dyqane fshatrash që janë me lista, që nesër do u rritet kostoja pasi futen në skemën e TVSH-së”, tha ai.
Efekti te çmimet
Sipas Telitit, këto dyqane do të detyrohen të rrisin çmimet. “Çdo çorape do e blini me 21% TVSH, faturat do ju vijnë me 21% TVSH… Çdo gjë që prodhohet do të kushtojë më shumë. Edhe transporti do të kushtojë më shumë”, theksoi ai.
