12.5 C
Tirana
E shtunë, 24 Shkurt 2024

Vendi i parë në Europë që legalizon kanabisin

Luksemburgu do të bëhet vendi i parë në Evropë që legalizon kultivimin dhe konsumimin e kanabisit, raporton CNN, duke cituar një deklaratë nga autoritetet e dukatit.

Duhen Lexuar

Sipas legjislacionit të ri, personat mbi moshën 18 vjeç në Luksemburg do të lejohen të konsumojnë kanabis dhe të rritin deri në katër bimë në familje. Sipas autoriteteve, vendimi për legalizimin e konsumit dhe kultivimit do të ulë në mënyrë drastike gjobat aktuale për posedimin e kësaj droge, të cilat do të jenë nga 29 deri në 581 euro për posedimin e tre gramëve kanabis ose më pak, krahasuar me gjobat aktuale që fillonin nga 291 e shkonin deri në 2910. euro. Sidoqoftë, përdorimi në publik i kanabisit do të mbetet sërisht i paligjshëm sipas deklaratave te autoriteteve të Luksemburgut.

Tregtimi i farave do të lejohet gjithashtu sipas legjislacionit të ri, pa kufizime në sasinë ose nivelet e tetrahidrokanabinolit (THC), përbërësi psikoaktiv i kanabisit.

Ndryshimi i qasjes dhe politikave është një përpjekje e qeverisë për të ndërmarrë veprime drastike kundër krimit të lidhur me drogën dhe trafikut të drogës në tregun e zi, duke marrë në kontroll tregun me shpresën e rregullimit të tij dhe shmangien e tregëtimit të paligjshëm të drogës.

- Reklama -
spot_img
- Reklama -

Artikujt e Fundit