Disa turistë mund të hezitojnë kur mendojnë për pushime në plazh, sepse zakonisht ato janë mjaft të shtrenjta.
Por, ky artikull do të ndihmojë turistët për të bërë të mundur vajtjen për pushime në plazh!
Kënaquni dhe argëtohuni në plazhet me rërë të bardhë dhe ujërat blu kristal të pastër, pa qenë nevoja të shpenzoni shumë. Më poshtë renditen destinacionet më të lira të plazhit në të gjithë botën.
10. La Jolla, San Diego, Kaliforni
E njohur për bregdetin e saj shkëmbor, La Jolla është një vend i përsosur për të nisur aventurën e një turisti në San Diego. Vendi më i mirë për të shijuar ushqim më të lirë, por të mirë, me një pamje të mrekullueshme të oqeanit, është La Jolla e Dukës. Ky është një restorant tradicional nga Havai që shërben vakte me çmime që fillojnë nga 11 dollarë.
9. Plazhi St. Pete, Florida
Një nga plazhet më të lira në Amerikë është plazhi i St. Pete në Florida. Koha më e arsyeshme për ta vizituar me familjen tuaj dhe për të qëndruar në hotel është periudha e muajit gusht. Ka shumë gjëra për të bërë në këtë vend, duke përfshirë notin me peshqit në RumFish Grill. Për pushimet familjare, kostoja e ushqimit dhe aktiviteteve do të fillonte nga 128 dollarë në ditë.
8. Monterey, Kaliforni
Qyteti i Monterey ofron një peizazh të bukur të perëndimit të diellit dhe është një nga qytetet më mbresëlënëse në Kaliforni. Peizazhi i vargmaleve me oqeanin e bën këtë qytet më skenografik. Pacific Gardens Inn është një hotel luksoz i rekomandueshëm për të qëndruar.
7. Plazhi i Ksamilit, Shqipëri
Ksamili është me të vërtetë një perlë e parajsës që ofron Shqipëria, me shumë plazhe të virgjëra dhe akomodim të shkëlqyer. Në krye të listës është Hotel Livia, me arredimin e brendshëm dhe të jashtëm sipas motiveve shqiptare. Dhomat në këtë hotel fillojnë nga 39 dollarë për natë. Aktivitetet për t’u shijuar përfshijnë paddleboarding, kajak dhe sporte të tjera ujore që fillojnë nga 30 dollarë për një të rritur. Përveç këtyre, jeta e natës në Ksamil është gjithashtu një përvojë argëtuese për t’u përjetuar, me restorante, klube dhe bare.
6. Sitges, Spanjë
Një nga destinacionet më ekonomike në Europë është Sitges, i cili ndodhet në Costa Brava, Spanjë. Menutë në qytetin bregdetar të Sitges fillojnë nga 10 € në Triana, që ndodhet në Passeig de Vilanova. Turistët gjithashtu mund të gjejnë struktura hoteliere me 20 € për natë. Për sa i përket aktiviteteve argëtuese ka festivale dhe muze falas për të vizituar.
5. Hotel Salsello, Puglia, Itali
Pulia është një nga destinacionet më të nënvlerësuara të plazhit në Itali. Kjo është arsyeja pse pushimet këtu do të ishin më të lira, pasi nuk ka shumë njerëz. Puglia ofron shumë plazhe brenda qytetit dhe pjesa më e madhe e tyre janë më pak të kushtueshme, duke përfshirë Hotel Saltillo. Turistët që zgjedhin këtë hotel do të kenë akses te plazhi dhe te një pishinë, si dhe do t’u garantohet shërbim i jashtëzakonshëm. Çmimet e dhomave ndryshojnë, por ato fillojnë nga 37 dollarë për natë duke përfshirë edhe mëngjesin.
4. Ishulli Koh Rong, Kamboxhia
Ishulli Kog Rong ofron pushime të lira në plazh, por super argëtuese. Ai është një nga plazhet më të gjera në Kamboxhia. Ky është një destinacion me kosto shumë të favorshme, veçanërisht për udhëtarët. Turistët mund të shijojnë një pije dhe një vakt për 1 deri në 5 dollarë.
Shumica e udhëtimeve në ishull janë të kushtueshme, por turistët mund t’ia kalojnë bukur me ato 5 dollarë të turit, i cili përfshin një mbrëmje duke notuar së bashku me planktonet që shkëlqejnë në errësirë. Për akomodimin, çmimet e hoteleve variojnë nga 19 deri në 110 dollarë për natë.
3. Perhentian, Malajzi
Një nga destinacionet më të mira të plazhit për të cilën nuk është nevoja që turistët të grabisin një bankë, është ishulli Perhentian në Malajzi. Ky ishull përbëhet nga disa plazhe, prandaj aktiviteti më i mirë për të bërë këtu është eksplorimi i tyre.
Për akomodim, Coral Beach ofron shtëpiza për vetëm 12,20 dollarë. Ushqimi është gjithashtu më i lirë. Me vetëm 10 dollarë, turistët mund të shijojnë një vakt të plotë për një ditë.
2. Canggu, Bali, Indonezi
Plazhi Nelayan në Canggu nuk është ende plotësisht i zhvilluar, kështu që mbetet një vend i përsosur për not dhe është i lirë pasi nuk ka shumë komoditete apo aktivitete këtu, përveç sërfit, balonave dhe notit. Akomodimi më i përballueshëm në Nelayan Beach është në Kent Beach House, me 8 dollarë për natë. Një plazh i famshëm aty pranë është ZIN Canggu Resort.
1. Plazhi i Xhunglës, Nha Trang, Vietnam
Suitat në Plazhin e Xhunglës ndahen në: New Room, Bamboo Hut dhe Deluxe Garden View. Çmimet e dhomave janë nga 43 deri në 65 dollarë. Ky ҫmim ia vlen pasi mëngjesi, dreka dhe darka janë të përfshira dhe të servirura me lëng limoni. Nuk ka restorante të tjera aty afër, por rekomandimet e stafit se ku të hani dihet se janë më të mirat.
