Home Opinion Çudia ndodhi! Shqipëria me plazhe si Maldivet, tokë e ëndëruar për italianët

Çudia ndodhi! Shqipëria me plazhe si Maldivet, tokë e ëndëruar për italianët

0
Çudia ndodhi! Shqipëria me plazhe si Maldivet, tokë e ëndëruar për italianët

Qeveria i ka hyrë detit me këmbë, kërkon me çdo mënyrë të bëjë turizmin drejtimin kryesor të ekonomisë. Për këtë në të katërmbëdhjet anët po e trumbeton turizmin në Shqipëri sikur të ketë arritje si në asnjë vend tjetër të botës. Kaq larg arrijnë me euforinë e tyre sa Ksamilin e krahasojnë me Maldivet, Sarandën me Majemin. Krahasojnë aeroportin e Tiranës me atë të Beogradit, numrin e turistëve në Shqipëri me numrin e turistëve të Italisë, të Kroacisë apo të Greqisë. Arijnë deri aty sa e bën Shqipërinë si “tokë të ëndëruar” për turistët italian. Të dhënat e INSTAT dhe të institucioneve të specializuara të huaja tregojnë se realiteti nuk është i tillë. Në Shqipëri turizmi, nuk ka qenë, nuk është dhe nuk do jetë kurrë degë kryesore e ekonomisë, pavarësisht se në konceptin e tij përfshihet edhe pjesa më e madhe e tregëtisë me pakicë. Ai nuk ka kaluar kurë 20%, ndërsa “Akomodim dhe sigurim ushqimor” nuk ka kaluar mbi 4%. Ekonomia shqiptare degë kryesore duhet të ketë industrinë nxjerrëse e përpunuese të karburanteve e të mineraleve, drejtim të dytë bujqësinë dhe sektori i shërbimeve duhet të jetë në vendin e tretë.

  1. Prononcimet e Ministrit të Parë të Shqipërisë për turizmin.

8 mars 2023. “Nuk është e lehtë, por ne po përpiqemi. Shpresojmë dhe objektivi ynë për 2030-ën është të jemi kampionët e Ballkanit në turizëm. Sigurisht kur themi në Ballkan nuk e kemi fjalën për Greqinë dhe Kroacinë, që të jemi të qartë, as për Turqinë. Por duam shumë që të jemi kampionë dhe të tejkalojmë vende të tjera. (Rama me operatorë turistikë në Berlin). 10 gusht 2023. “Mbërritjet masive, vetëm kostoja e ulët mund të shkatërrojë të ardhmen dhe të lërë pas eko-përbindësha dhe katastrofa mjedisore”. Ne kemi barazuar Greqinë dhe sapo kemi kaluar Italinë për numrin e turistëve për frymë. Ne duam turizëm të balancuar dhe gjithnjë e nivelit më të lartë. Duhen tre apo katër vjet për të qenë gati për të parakaluar me të mëdhenjtë”.Turizmi masiv nuk është i qëndrueshëm për mjedisin. (intervistë për “La Stampa”).

12 gusht 2023. Shumë italianë po zgjedhin Shqipërinë për të kaluar pushimet pasi vendi garanton plazhe të mrekullueshme dhe tokën e ëndërruar dhe çmime konkurruese, modeli është ai i një turizmi loë-cost? “ Low-cost është fillimisht, pasi në Shqipëri çmimet do të rriten sepse është e natyrshme. Ne po punojmë për resorte që janë luksoze … Pra kjo e sotmja nuk është zgjedhje, është një rrugëtim, e në këtë rrugëtim përfshihen edhe çmimet e ulëta. (Shqipëria është në sezonin e artë të turizmit). 22 gusht 2023. Është fantastike, sepse nuk kemi shpenzuar duke paguar reklama nëpër televizione anembanë Evropës. Shpresoj që ky sukses të na ndihmojë të ecim përpara me këmbë në tokë, sepse duhet thënë që disa gazeta italiane edhe e kanë ekzagjeruar, duke thënë që po konkurojmë Italinë”. (“In Onda”). 25 gusht 2023.Shqipëria do të jetë kampione absolute në Ballkanin Perëndimor për turizmin. Shirat flasin në mënyrë të jashtëzakonshëm për afrimin edhe me Greqinë”. Rritja e pasagjerëve në trafikun ajror është në vendin e parë dhe sot jemi në kushtet ku mund të themi pa nguruar se kemi konkurrues me aeroportin e Beogradit dhe me shumë gjasë mund ta kapërcejmë”. (“Suksesi me turizmin”) 4 shtator 2023. “Turizmi masiv i ka sjellë vendit shumë të ardhura. Kujdes do të ishte fatale mos ta mbanim parasysh që ky lloj turizmi do të jetë i vetmi burim të ardhurash. Shpërthimi do të jetë jo vetëm bori fitoreje, por edhe alarm. Kjo është rruga e re që duhet të çajmë tani në mënyrë që brenda kësaj dekadë të kemi vendosur ekuilibrin e domosdoshëm të kësaj industrie. Duhet të synojmë majat e industrisë turistike botërore. (Do të ndryshojmë statusin e investitorit strategjik). 24 shtator 2023. “Bathorizimin si urbanizim kaotik dhe golemizimin si ankth për të kaluar nga qytetit në fshat dhe për t’u kthyer nga i pasur në qytet në një fshatar turistik në bregdet”. Gjatë sezonit veror vendi është vizituar nga 6 milionë turistë, numri i të ardhurave nga ky sektor ka arritur në 2 miliardë Euro, ndërsa numri i të punësuarve arriti në mbi 300 mijë. (Jo me golemizim).)Koment. 6 milionë njerëz që kanë hyrë në Shqipëri nuk janë turistë, por vizitorë. Ata duhet të kenë shpenzuar mesatarisht nga 500 euro gjë që nuk është e vërtetë. Numri i të punësuarve në këtë sektor nuk kalon 50 mijë, ndërsa në 300 mijë të punësuar (sipas MP) janë përfshirë edhe punonjësit e tregtisë me pakicë. të 15500 bar kafeneve, të qindra e mijra kioskave, të qoftexhinjve e hallvaxhinjve, të pikave të bastit apo lojrave të fatit, etj, etj. Komentet për thëniet e tjera le t’i bëjnë vetë lexuesit. 27 shtator 2023. “Turizmi ishte rreth 4 % kur ne e morëm drejtimin e vendit. Kemi qenë një vend pa turizëm. Sot është 17% në prodhimin kombëtar. Kemi qenë një vend dhe kjo gjë ka vazhduar prej disa vitesh që bëhej lajm për pisllëkun që dilnim në mediat e huaja si një vend pis i ndotur. (Shqipëria në 10 vjet, kampione e turizmit në Ballkan!)”. 3 tetor 2023. “Në gamën e strukturave akomoduese tani do të futen apartamente, blloqet e apartamenteve, vilat, hotelet trashëgimi kulturore, hotel i shpërndarë dhe dhomat standard. Ju e dini mirë se hotelet në bregdet, i ndryshojnë çmimet që deklarojnë dhe ato që paguajnë, dhe tjetër është niveli i okupimit dhe tjetër deklarohet. Hotelet të përgatiten për çmime reference”. (Bëhet gati ligji/ Qytetarët që japin dhoma me qira për turizëm duhet të regjistrohen.) 10 tetor. “Ujërat e kristaltë të Maldiveve të Europës i ndotin ata që në ballë i vënë hotelit 5 yje dhe nga mbrapa i lëshojnë komunitetit mbetjet e yjeve. Nuk mund të vazhdojë”, (Maldivet e Europës’ po i ndotin hotelet me ‘5 yje në ballë’). Për këto thënie euforike dhe diku pohime të sakta të Ministrit të Parë është shkruar dhe komentuar jo vetëm në mediat shqiptare, por edhe në mediat e huaja. Po përmendim një prej tyre. Petrit Vasili (ish Ministër). “Shifrat e gënjeshtrës së Edi Ramës me turistët janë vërtet shumë të trasha dhe me disa herë më shumë se realiteti. Sepse Edi Rama ka parimin idiot që të gënjejë 24 orë në ditë të hedhi shashka me miliona turistë imagjinar që propaganda të vazhdojë. Kujt i hyn në punë një mashtrim i tillë? Treguesit ekonomik janë kokëfortë dhe ekonomia nuk mbahet me mashtrime. Nuk mbahet as edhe me krahasimet idiote të Ramës me shtete që janë shembuj të turizmit në botë si Italia dhe Greqia, që ka kurajon e marrë dhe thotë: “Kemi barazuar Greqinë e sapo kemi kaluar Italinë për numrin e turistëve për frymë! Por nuk duam të biem në grackën e mjaltit”. (Edi Rama ka parimin idiot që të gënjejë 24 orë në ditë! August 30, 2023).

“Popullsia e Maldiveve kalon gjysëm milioni ndërsa në Ksamil është rreth 10 mijë. Ksamili nuk mund të krahasohet me Maldivet edhe për: standartin e shërbimeve, infrastrukturën rrugore, ndotjen e mjedisit, kulturën e punës, etj.  Promovimi i çmimeve të ulta promovon turizmin masiv të shtresave të mesme e të ulta të vendeve të tjera që nuk kanë dalë ndonjëherë jashtë teritorit.”

b) Disa koncepte në fushën e turizmit. (UNWTO, OBTKB 22.12.2022).

Turizmi ndërkombëtar: Turizmi ndërkombëtar përfshin turizmin përbrenda dhe atë jashtë vendit, domethënë aktivitetet e vizitorëve rezidentë jashtë vendit të referencës, qoftë si pjesë e udhëtimeve turistike vendase apo të jashtme dhe aktivitetet e vizitorëve jorezidentë brenda vendit të referencës. në udhëtimet turistike hyrëse (IRTS 2008, 2.40(c)).

Turist (ose vizitor gjatë natës) dhe ekskursionist (vizitor ditor) Një vizitor (turizëm i brendshëm, marrës ose transmetues) kualifikohet si turist (ose vizitor gjatë natës) nëse ai ose ajo kalon një natë në vend, dhe si turist ditor (ose ekskursionist) ndryshe.

Vizitor. Një vizitor është një udhëtar, që bën një udhëtim në një destinacion jashtë mjedisit të tij/saj të zakonshëm, për më pak se një vit, për çfarëdo qëllimi (biznesi, argëtimi ose qëllimi tjetër personal) përveç për t’u punësuar nga një ent rezident në vend ose vend. vizituar. Turist (ose vizitor brenda natës) dhe Ekskursionist (ose vizitor ditor).

Shpenzimet e turizmit. Shpenzimet turistike i referohen shumës së paguar për blerjen e mallrave dhe shërbimeve të konsumit, si dhe sende me vlerë, për përdorim vetjak ose për t’u dhuruar, për dhe gjatë udhëtimeve turistike.
Industritë e turizmit. Industritë e turizmit përfshijnë të gjitha institucionet për të cilat aktiviteti kryesor është turizmi veprimtari karakteristike.

“Arijnë deri aty sa e bën Shqipërinë si “tokë të ëndëruar” për turistët italian. Të dhënat e INSTAT dhe të institucioneve të specializuara të huaja tregojnë se realiteti nuk është i tillë. Në Shqipëri turizmi, nuk ka qenë, nuk është dhe nuk do jetë kurrë degë kryesore e ekonomisë, pavarësisht se në konceptin e tij përfshihet edhe pjesa më e madhe e tregëtisë me pakicë. Ai nuk ka kaluar kurë 20%, ndërsa “Akomodim dhe sigurim ushqimor” nuk ka kaluar mbi 4%.”

-Lista e industrive turistike (aktivitetet karakteristike) dhe grupimi sipas kategorive kryesore sipas ISIC Rev.

1. Akomodim për vizitorët. Aktivitetet e akomodimit afatshkurtër- Vend kampingu, parqe mjetesh rekreative dhe parqe për rimorkio -Akomodime të tjera.

2. Aktivitetet e shërbimit të ushqimit dhe pijeve- Restorante dhe aktivitete të lëvizshme të shërbimit të ushqimit -Aktivitete të tjera të shërbimit ushqimor- Aktivitetet e servirjes së pijeve.

3. Transporti hekurudhor i udhëtarëve.

4. Transporti rrugor i udhëtarëve.

5. Transporti ujor i udhëtarëve.

6. Transporti ajror i pasagjerëve.

7. Marrja me qira e pajisjeve të transportit.

8. Agjencitë e udhëtimit dhe aktivitete të tjera të shërbimit të rezervimit -Aktivitetet e agjencive të udhëtimit -Aktivitetet e operatorit turistik -Shërbimet e tjera të rezervimit dhe aktivitete të ngjashme.

9. Aktivitete kulturore -Aktivitete kreative, artistike dhe argëtuese -Aktivitetet muzeale dhe funksionimi i vendeve dhe ndërtesave historike -Kopshtet botanike dhe zoologjike dhe aktivitetet e rezervave natyrore.

10. Aktivitete sportive dhe rekreative -Marrja me qira dhe dhënia me qira e mallrave rekreative dhe sportive -Aktivitetet e lojërave të fatit dhe basteve -Funksionimi i objekteve sportive -Aktivitete të tjera sportive -Aktivitetet e parqeve argëtuese dhe parqeve tematike -Aktivitete të tjera argëtuese dhe rekreative n.e.c.

11. Tregtia me pakicë e turizmit të vendit, mallra karakteristike – Dyqane pa taksa  -Tregtia e specializuar me pakicë e suverneve -Tregtia e specializuar me pakicë e zejtarisë -Tregti të tjera të specializuara me pakicë të mallrave karakteristike turistike.

12. Aktivitete të tjera karakteristike turistike të vendit. Në këtë mënyrë në konceptin e turizmit përfshihen thuajse të gjitha zërat e tregtisë me pakicë dhe jo vetëm Akomodim e sigurim ushqimmor.

c) Një vështrim mbi Republikën e Maldiveve. Republika e Maldiveve është një komb i pavarur që fitoi pavarësinë në vitin 1965. Historikisht, Maldivet u kolonizuan nga portugezët, holandezët, britanikët, por kryesisht sundoheshin nga një sulltanat. Tani, Maldivet kanë një president që mbikqyr administrimin e vendit. Kryeqyteti i Maldiveve është Male. Monedha që përdor është rufiyaa (15.4 rf = 1$). Ndodhen në Oqeanin Indian në kufi me Indinë dhe Srilankën.

Maldivet përbëhen nga 1190 ishuj koralorë të grupuar në një zinxhir të dyfishtë prej njëzet e shtatë atolesh të vendosura në Oqeanin Indian. Shumica e atoleve përbëhen nga një shkëmb koral i madh në formë unaze që mbështet shumë ishuj të vegjël. Vendi mbulon një sipërfaqe rreth 90,000 kilometra katrorë, nga të cilat vetëm 298 kilometra katrorë është tokë e thatë. Ishujt kanë një sipërfaqe mesatare prej një deri në dy kilometra katrorë dhe asnjë ishull individual nuk është më i gjatë se tetë kilometra. Maldivet shtrihen midis 1-1.5 metra mbi nivelin e detit, me ishullin më të lartë të vendosur në 3 metra mbi nivelin e detit. Maldivet janë kryesisht të sheshta dhe nuk kanë veçori tokësore si kodra apo lumenj, por disa ishuj kanë duna të tilla si ato që gjenden në ishullin Hithadhoo të Atollit Addu, dhe ligatinat dhe kënetat si ato që gjenden në ishullin Fuvahmulah të Gnaviyani Atoll. Maldivet janë të njohura për plazhet e tyre me rërë të bardhë, ujërat e pacënuar bruz dhe jetën unike detare nënujore. Njerëzit e ishujve Maldive janë të shpërndarë gjerësisht nëpër atole, me 198 ishuj të banuar. Rreth 164 ishuj janë zhvilluar si vendpushime turistike dhe ishujt e mbetur janë të pabanuar ose përdoren për bujqësi dhe qëllime të tjera jetese. Popullsia aktuale vlerësohet në pak më shumë se gjysmë milioni në vitin 2020. Një e treta e popullsisë jeton në kryeqytetin e Male’, ndërsa pjesa tjetër jeton në ishuj të tjerë të banuar në të gjithë vendin.