Revolucion apo spekulim? Mbi këto qëndrime u zhvillua debati në studion e A2 Business me ekspertët e ekonomisë dhe kriptovalutave, në lidhje me krizën e këtyre të fudnit. Për eksperten e kriptovalutave, Denisa Kele, tregu i kriptove është një aset që mund të zgjidhë krizën financiare globale. Sipas saj duhet të krijohet një legjislacion që për të mbrojtur investitorin.
“Kjo që po ndodh është e pashmangshme dhe nuk është rastësi në momente krize financiare dhe inflacioni të lartë. Tregu i kriptove eshte i parregulluar, kripto është tregu ku investitorët po shesin. Unë e shoh me optimizën që nga 20 mijë kriptovaluta ato që nuk vlejnë të dalin nga tregu. E shoh si aset që mund të zgjidhë krizën financiare globale. Është një inovacion që nuk mund të tjetërsohet. Bitcoin është tjetër gjë. Ata që investojnë në kripovaluta duhet të kenë ekspertë financiarë që të mos humbasin. Edhe investitorët më të mëdhenj kërkojnë nga bankat federale që të krijohet një legjislacion për të mbrojtur investitori. E shoh si inovacion e revolucion”.
Në të njëjtën linjë edhe eksperti Besjart Harizi, sipas të cilit, kjo është teknologjia e së ardhmes, ku ia vlen të investohet.
“Mbi bazën e një analize një investitor mund të ketë humbur 70% të totalit. Është një treg i pamaturuar dhe rënie të tilla janë të pritshme. Kontrolli nuk është zgjidhje, ne që përqafojmë këtë teknologji, unë Bitcoin e konsideroj teknologji të së ardhmes. Vlen të investohet se ky është momenti i mirë. Nëse i referohesh vitit 2009 kur ka dalë Bitcoin ekziston rritje në mijëra”.
Edhe eksperti i tregjeve financiare Artan Gjergji sugjeron qytetarët që para se të investojnë të marrin informacionin e duhur.
“Tregjet financiare po ndjekin ciklin e vet. Sjellja e konsumatorëve është e njëjtë. Në dy anët gjenden njerëz që frikësohen nga perceptimet të ndryshme të tregut financiar dhe për shkak të riskut marrin pozicionet e tyre që mund të jenë shitje, apo spekulatorë që janë blerës. Se janë tregje të parregulluara janë të mira. Është çështje mendësie e debati. Jam pro teknologjisë. Për momentin janë riskoze, por para se të ndërmarrin hapa qytetarët duhet ë marrin informacionin e duhur dhe nëse investojnë ta bëjnë në sasi të vogla. Nëse ne i shohim këto asetet si mjet fitimi të vlerës thjesht për të spekuluar blej lirë e shit shtrenjtë nuk ka të ardhme. Ato kripto që do investohen si mjet pagese. Duhet patjetër të investohen që të japin edhe kriteret që të pranohen”.
Ndërsa për sekretarin e Përgjithshëm të Shoqatës së Bankave, Spiro Brumbulli, është vërtetuar fakti që ato monedha nuk u bën kurrë janë një aset ku mund të investosh. Sipas tij me to nuk mund të kryesh asnjë blerje.
“Është vërtetuar fakti që ato monedha nuk u bën kurrë janë një aset ku mund të investosh për aspekte skepulative. Ka edhe një veçori se këto kriptovaluta nuk janë si mallrat e tjerë. Kriptovalutat nuk kanë vlerë të brendshme. Vërtetohet që këto nuk mund të ketë monedhë jashtë rregullatorëve, investojmë në ar e letra me verë se janë të mbikëqyrës dhe informacioni është në detaje. Sot me kripto nuk mund të bësh asnjë blerje. Aksesi në të është globalizuar”.
Burimi: A2 CNN
