Emerson Fittipaldi shkroi historinë e Formula 1 dhe Lotusit. Pikërisht në Monza, ku në vitin 1972 fitoi garën para se të bëhej kampion bote dhe t’i jepte titullin e konstruktorëve ekipit të tij, Lotus prezantoi versionin Evija kushtuar pilotit legjendar brazilian.
Evija Emerson Fittipaldi është prodhuar në vetëm 8 ekzemplarë (i pari ishte i pranishëm në pistë). Kjo hipermakinë britanike, 100% elektrike, e lindur në vitin 2019, përmban një shasi me fibër karboni dhe kabina e pilotit, nga sediljet plotësisht të rregullueshme deri te timoni shumëfunksional, përfaqëson kulmin e dizajnit dhe teknologjisë, të frymëzuar nga garat, të aplikuar në një makinë rruge.
Evija ka pesë mënyra drejtimi: Range, City, Tour, Sport dhe Track. Kjo makinë mund të arrijë nga 0 në 100 km/h në më pak se tre sekonda dhe nga 0 në 300 km/h në rreth 9 sekonda. Gjithashtu, mund të përshpejtojë në një shpejtësi të kufizuar elektronike prej 350 km/h.
<!–
–>
Një Lotus elektrik që ecën me 321 km/h
<!–
–>
Lotus prezanton supermakinën e përditshmërisë
Burimi: A2 CNN
