Një sulm kibernetik ka përfshire ditën e sotme disa vende perëndimore. Sipas mediave italiane, sulmi është pikasur nga Agjencia Kombëtare për Sigurinë Kibernetike në atë vend, dhe përfshin jo vetëm Italinë por të paktën edhe Francën, Finlandën, por edhe Kanadanë dhe Shtetet e Bashkuara.
Behet fjalë, më në detaj për të ashtuquajturin “ransomware”, pra një virus i cili kërcënon shpërndarjen e të dhënave personale, ose bllokimin e aksesit pronarëve të ligjshëm, në qoftë se nuk paguhet një shumë parash në formë shpërblese, që kërkohet zakonisht në formë kriptovalute. Për klientët privatë zakonisht flitet për pak dhjetëra dollarë, ndërkohë që për kompanitë më të mëdha shifrat mund të jenë tejet domethënëse.
Ransomware i këtij sulmi ka patur si objektiv në veçanti serverat VMware ESXi, dhe sipas analizës paraprake janë rreth 1 mijë serverat e këtij tipi tashmë të infektuar.
Këto viruse paraqiten në formën e një file të zakonshëm, më së shumti një pdf, që i bashkohet emaileve të besueshme në shikim të parë, praktikisht një klonim i atyre të institucioneve shtetërore.
Në momentin që hapet dokumenti i bashkëngjitur, që zakonisht pretendon se është një faturë, virusi depërton në kompjuter ose në smartphone duke klonuar mjetin.
Rritet përdorimi i internetit në 2022, shtohet rreziku nga sulmet kibernetike
Neglizhenca që solli sulmin kibernetik – “31 Minuta”
Nën ombrellë nga “rrebeshi kibernetik”, ekspertët: Sulmet vijojnë, Shqipëria mund ta kthejë krizën në mundësi
Burimi: A2 CNN
