Në fjalën e hapjes së Workshop-it XVII të Kërkimeve Ekonomike për Evropën Juglindore, të organizuar nga Banka e Shqipërisë, Guvernatori Gent Sejko ka nënvizuar prioritet e institucionit në një moment kur situata globale ka vënë në sfidë rregullaratorët në gjithë globin.
Ai tha se shoqëritë, ekonomitë dhe sistemet tona financiare janë nën presion nga burime të ndryshme: luftërat, tensionet gjeopolitike në rritje, ndryshimet demografike, përshkallëzimi i ngjarjeve ekstreme klimatike, inteligjenca artificiale dhe digjitalizimi i financave e parasë.
Ndryshimet klimatike, digjitalizimi, financat e familjeve apo përfshirja financiare, tha Sejko, janë tashmë prioritet kryesore të Bankës së Shqipërisë.
Sejko i ftoi pjesëmarrësit në Workshp t’i referoheshin historikut të financave shqiptare, për të kuptuar më mirë çka qëndron pas zgjedhjes dhe zbatimit të regjimit të lirë të kursit të këmbimit, liberalizimit të tregtisë dhe kontrolleve të kapitalit.
Lorenc Rabeta/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
